News October 14, 2025
30 తర్వాత మహిళల ఎముకలు గుల్లే
మహిళల్లో 30ఏళ్ల తర్వాత ఎముకలు గుల్లబారే ముప్పు ఎక్కువగా ఉంటుందంటున్నారు నిపుణులు. ఎముకలు 30 ఏళ్ల వయసుకు దృఢత్వానికి చేరుకుని తర్వాత బలహీనపడతాయని చెబుతున్నారు. కాబట్టి 30లోపే ఎముక సాంద్రత గరిష్ఠంగా ఉండేలా చూసుకోవాలంటున్నారు. దీనికోసం స్ట్రెంగ్త్ ట్రైనింగ్, హెల్తీ లైఫ్‌స్టైల్ అలవాటు చేసుకోవాలి. ఆహారంలో బాదం, జీడిపప్పు, గుమ్మడి విత్తనాలు, పాలకూర, బ్రొకొలి, సోయాబీన్స్‌ చేర్చుకోవాలి. <<-se>>#Womenhealth<<>>
Similar News
News October 14, 2025
ఉమెన్స్ వరల్డ్ కప్: భారత్ సెమీస్ వెళ్లాలంటే?
SA, AUS చేతిలో ఓడిపోయిన టీమ్ఇండియా సెమీస్ అవకాశాలను సంక్లిష్టం చేసుకుంది. నెక్ట్స్ ఈనెల 19న ENG, 23న NZ, 26న బంగ్లాతో తలపడనుంది. బంగ్లా మినహా ENG, NZపై భారత రికార్డు పేలవంగా ఉంది. కానీ వీటితో చివరగా జరిగిన సిరీస్‌ల్లో INDనే పైచేయి(2-1) సాధించింది. లీగ్‌లో మిగిలిన 3 మ్యాచ్‌ల్లో గెలిస్తే నేరుగా సెమీస్‌కు వెళ్లే అవకాశముంది. లేదంటే కనీసం 2 గెలిచి, మెరుగైన NRR మెయింటెన్ చేస్తే క్వాలిఫై అవ్వొచ్చు.
News October 14, 2025
జగన్ ఆస్తుల వివాదం.. స్టేటస్ కో విధించిన NCLT
YS జగన్‌కు చెందిన సరస్వతి సిమెంట్స్ షేర్ల బదిలీపై చెన్నైలోని NCLT అప్పిలేట్ ట్రిబ్యునల్ స్టేటస్ కో విధించింది. జులై 29న హైదరాబాద్ NCLT బెంచ్ జగన్‌కు అనుకూలంగా తీర్పునిచ్చింది. జగన్ తల్లి, చెల్లెలి పేరిట రాసిన గిఫ్ట్ డీడ్‌లో షేర్లు పూర్తిగా బదిలీ కాలేదని, అందువల్ల అవి జగన్ వద్దే ఉన్నట్లు తెలిపింది. ఈ తీర్పును సవాల్ చేస్తూ వైఎస్ విజయమ్మ చెన్నై బెంచ్‌లో అప్పీల్ చేయగా దానిపై స్టేటస్ కో విధించింది.
News October 14, 2025
సరైన నిద్ర లేకపోతే కంటి సమస్యలు!
కంటినిండా నిద్రలేకపోతే కళ్లపై ఎఫెక్ట్ పడుతుందని వైద్యులు హెచ్చరిస్తున్నారు. గాఢనిద్రలో కళ్లు సహజంగా కన్నీళ్లను ఉత్పత్తి చేస్తాయని, దీనివల్ల అవి మృదువుగా ఉంటాయని అంటున్నారు. నిద్ర సరిగా లేకపోతే కళ్లు పొడిబారిపోతాయని చెబుతున్నారు. దీర్ఘకాలికంగా ఇదే కంటిన్యూ అయితే రెటీనా పనితీరు మందగించి చూపు తగ్గుతుందని వార్నింగ్ ఇస్తున్నారు. రోజుకు 6-8 గంటలు నిద్రపోవాలని సూచిస్తున్నారు.
Share it