News March 4, 2025
మూడోసారి బెయిల్ పొందిన రెజ్లర్ సుశీల్ కుమార్
మర్డర్ కేసులో మాజీ రెజ్లర్ సుశీల్ కుమార్కు ఢిల్లీ హైకోర్టు బెయిల్ మంజూరు చేసింది. రూ.50,000 బాండు, 2 ష్యూరిటీలు ఇచ్చాక ఆయన జైలు నుంచి విడుదలయ్యారు. 2021, మేలో జూనియర్ రెజ్లర్ సాగర్ ధన్ఖడ్ హత్య కేసులో ఆయన ప్రధాన నిందితుడు. దీంతో పాటు అల్లర్లు, అక్రమంగా గుమికూడటం వంటి అభియోగాలు ఆయనపై నమోదయ్యాయి. 2023, మార్చిలో తండ్రి అంత్యక్రియలు, జులై 23న మోకాలి ఆపరేషన్ కోసం ఆయన వారం పాటు బెయిల్ పొందడం గమనార్హం.
Similar News
News March 10, 2026
HEC విద్యార్థులకు ఏయే కోర్సులున్నాయంటే?
<<19336321>>ఇంటర్లో<<>> HEC పూర్తిచేసిన వారికి విభిన్నమైన కోర్సులు అందుబాటులో ఉన్నాయి. సివిల్స్ ప్రిపేర్ అయ్యేవారు B.Aలో HEP. లిటరేచర్ B.A లాంగ్వేజెస్. జర్నలిస్టు అవ్వాలంటే B.A జర్నలిజం & మాస్ కమ్యూనికేషన్. న్యాయవాది కావాలనుకుంటే ఐదేళ్ల BA LLB కోర్సు. టీచర్ అయ్యేవారికి B.A B.Ed. కంప్యూటర్స్ అంటే మక్కువ ఉంటే BCA కూడా బాగుంటుంది. ఫైన్ ఆర్ట్స్, ఫ్యాషన్ డిజైనింగ్, హోటల్ మేనేజ్మెంట్ వైపు కూడా వెళ్లొచ్చు.
News March 10, 2026
తండ్రిని తలచుకుంటూ రింకూ ఎమోషనల్ పోస్ట్
వరల్డ్ కప్ గెలిచిన సంతోషాన్ని పంచుకునేందుకు తన <<19250311>>తండ్రి<<>> పక్కన లేకపోవడంపై టీమ్ఇండియా క్రికెటర్ రింకూ సింగ్ ఎమోషనల్ అయ్యారు. ‘నాన్న మీతో మాట్లాడకుండా ఇన్ని రోజులు ఎప్పుడూ లేను. మీ కల నెరవేరిన తరుణంలో నా పక్కన లేకపోవడం బాధాకరం’ అంటూ ఇన్స్టాలో పోస్ట్ చేశారు. తన జీవితంలో ప్రతి విజయంలోనూ ఆయన జ్ఞాపకాలు వెన్నంటే ఉంటాయని పేర్కొన్నారు. నాన్నను చాలా మిస్ అవుతున్నానని రింకూ భావోద్వేగానికి లోనయ్యారు.
News March 10, 2026
వేసవిలో వ్యాయామం.. ఏ టైమ్లో మంచిది!
సమ్మర్లో 8am లోపు, 6pm తర్వాత వ్యాయామం చేయాలని వైద్యులు సూచిస్తున్నారు. ‘చెట్లు ఎక్కువగా ఉండే పార్కుల్లో అయితే మంచిది. తేలికపాటి, లేతరంగు దుస్తులు, టోపీ ధరించాలి. గంట వ్యాయామం చేసేవాళ్లు 45ని. చేస్తే సరిపోతుంది. డీహైడ్రేషన్కు గురికాకుండా మధ్యమధ్యలో తగినన్ని నీళ్లు తాగాలి. అధిక చెమట, బలహీనత, తల తిరగడం, వికారంతోపాటు తలనొప్పి తదితర లక్షణాలు కనిపిస్తే వెంటనే వ్యాయామం నిలిపేయాలి’ అని చెబుతున్నారు.