News August 1, 2024
సీఎంపై తప్పుడు పోస్ట్.. కేసు నమోదు
TG: CM రేవంత్ రెడ్డిపై తప్పుడు పోస్ట్ పెట్టినందుకు HYD సైబర్ క్రైమ్ పోలీసులు BRS సోషల్ మీడియా కన్వీనర్ మన్నె క్రిశాంక్‌పై కేసు నమోదు చేశారు. జులై 29న అర్ధరాత్రి వరకు జరిగిన అసెంబ్లీ సమావేశాలకు CM హాజరుకాలేదంటూ క్రిశాంక్ పోస్ట్ పెట్టడంపై కాంగ్రెస్ కార్యకర్తలు ఫిర్యాదు చేశారు. దీంతో ఆయనపై ఐటీ చట్టం ప్రకారం పోలీసులు కేసు నమోదు చేశారు. తాజా కేసుతో క్రిశాంక్‌పై నమోదైన కేసుల సంఖ్య ఏడుకు చేరింది.
Similar News
News November 29, 2025
కేసీఆర్ పేరు లేకుండా కవిత ఇంట్రస్టింగ్ ట్వీట్
TG: కేసీఆర్ ఆమరణ నిరాహార దీక్షకు 16 ఏళ్లు పూర్తయిన నేపథ్యంలో MLC కవిత ఆసక్తికర ట్వీట్ చేశారు. తన తండ్రి కేసీఆర్ పేరును ప్రస్తావించకుండా ‘ఒక యోధుని దీక్ష, అమరుల త్యాగం యావత్ తెలంగాణ జాతిని మేల్కొల్పింది. ఐక్యతా గీతమైంది. స్ఫూర్తిని నింపింది. ఉద్యమాన్ని విజయపథం వైపు నడిపింది. రాష్ట్ర సాధనకు దారి దీపమైంది. భౌగోళిక తెలంగాణ సాధించాం. సామాజిక తెలంగాణ సాధిస్తాం. జై తెలంగాణ’ అని పేర్కొన్నారు.
News November 29, 2025
సూర్యాస్తమయం తర్వాత గోళ్లు కత్తిరించుకోవచ్చా?
సూర్యాస్తమయం తర్వాత గోళ్లు కత్తిరించడం అపశకునమని హిందూ సంప్రదాయంలో భావిస్తారు. అయితే ఈ నియమం వెనుక ఓ కారణం ఉందని మీకు తెలుసా? పూర్వం విద్యుత్తు దీపాలు ఉండేవి కాదు. దీపాల వెలుగులో గోళ్లు కత్తిరించుకుంటే తెగడం, గాయాలు కావడం, కత్తిరించిన గోళ్లు ఎక్కడ పడ్డాయో తెలియకపోవడం జరిగేది. అలాగే పరిశుభ్రత కూడా లోపించేది. అందుకే ఈ ప్రమాదాలను నివారించడానికి, పరిశుభ్రతను పాటించడానికి ఈ నియమాన్ని పెట్టారు.
News November 29, 2025
రేపు, ఎల్లుండి అతిభారీ వర్షాలు
తెలంగాణలోని పలు ప్రాంతాల్లో ఇవాళ తేలికపాటి నుంచి మోస్తరు వర్షాలు పడే అవకాశముందని HYD వాతావరణ కేంద్రం తెలిపింది. రేపు, ఎల్లుండి మహబూబ్‌నగర్, నాగర్ కర్నూల్, వనపర్తి, నారాయణపేట, గద్వాల్ జిల్లాల్లో అక్కడక్కడ భారీ వర్షాలు కురుస్తాయంది. అటు ఏపీలో రేపు, ఎల్లుండి దక్షిణకోస్తా, రాయలసీమ ప్రాంతాల్లో భారీ వర్షాలు, కొన్నిచోట్ల అతిభారీ వర్షాలు కురుస్తాయని APSDMA పేర్కొంది.