News November 25, 2024
WTC: మళ్లీ భారత్ నంబర్-1
తొలి టెస్టులో ఆసీస్‌పై ఘన విజయంతో భారత్ WTC పాయింట్ల పట్టికలో మళ్లీ అగ్రస్థానానికి చేరుకుంది. 9 విజయాలు, 5 ఓటములతో 61.11 శాతంతో టాప్‌లో ఉంది. ఆస్ట్రేలియా(57.69 శాతం) రెండో స్థానానికి పడిపోయింది. ఆ తర్వాత వరుసగా శ్రీలంక(55.56%), కివీస్(54.55%), సౌతాఫ్రికా(54.17%), ఇంగ్లండ్(40.79%), పాక్(33.33%), బంగ్లాదేశ్(27.50%), విండీస్(18.52%) ఉన్నాయి.
Similar News
News November 25, 2024
APలో తొలి కంటైనర్ ఆస్పత్రి ప్రారంభం
ఏజెన్సీల్లో డోలీ మోతలకు చెక్ పెట్టేలా AP ప్రభుత్వం రంగంలోకి దిగింది. మన్యం(D) సాలూరు(మ) కరడవలసలో తొలి కంటైనర్ ఆస్పత్రిని మంత్రి సంధ్యారాణి ప్రారంభించారు. గిరిజన, కొండ ప్రాంతాల్లోని ప్రజలకు ఆరోగ్య సేవలు అందించడమే లక్ష్యంగా దీనిని తీసుకొచ్చామన్నారు. ఆశా కార్యకర్త, బీపీ, షుగర్ సహా 105 రకాల మందులు అందుబాటులో ఉంటాయన్నారు. చిన్నారులకు టీకాలు, పలు మెడికల్ టెస్టులు చేయించుకునే సౌకర్యం ఇక్కడ ఉందన్నారు.
News November 25, 2024
రెండో సారి తల్లైన టాలీవుడ్ హీరోయిన్
హీరోయిన్ అదితి దేవ్ వర్మ రెండో సారి తల్లయ్యారు. ఇవాళ ఆమె ఆడ బిడ్డకు జన్మనిచ్చారు. గతంలో ఆమెకు కుమారుడు జన్మించారు. కాగా ఉదయ్ కిరణ్ హీరోగా నటించిన ‘గుండె ఝల్లుమంది’ చిత్రంతో ఆమె టాలీవుడ్ ఎంట్రీ ఇచ్చారు. ఆ తర్వాత ఓంశాంతి, బబ్లూ సినిమాల్లో నటించారు. అనంతరం పలు టీవీ షోలు, సీరియల్స్‌లో నటించి గుర్తింపు తెచ్చుకున్నారు. 2014లో నటుడు సర్వర్ అహుజాను పెళ్లాడారు.
News November 25, 2024
ఆ చిన్నారి కోహ్లీ కుమారుడు అకాయ్ కాదు
టీమ్ ఇండియా స్టార్ క్రికెటర్ విరాట్ కోహ్లీ కుమారుడు అకాయ్ ఫొటోలు సోషల్ మీడియాలో వైరల్ అయిన సంగతి తెలిసిందే. కానీ ఆ ఫొటోల్లో ఉంది అకాయ్ కాదని విరాట్ సోదరి భావ్న కోహ్లీ సోషల్ మీడియా వేదికగా తెలిపారు. ఆ చిన్నారి అనుష్క శర్మ స్నేహితురాలి కుమార్తె అని ఆమె పేర్కొన్నారు. కాగా నిన్న పెర్త్‌లో భారత్, ఆస్ట్రేలియా మధ్య జరిగిన తొలి టెస్టులో అనుష్క పక్కనే ఉన్న పాపను అందరూ అకాయ్ అని భావించారు.