News November 28, 2024

చైనాలో కీలక అధికారిపై జిన్‌పింగ్ వేటు

చైనా కేంద్ర మిలిటరీ కమిషన్(CMC) సభ్యుడైన మియావో హువా అవినీతికి పాల్పడినట్లు ఆరోపణలు రావడంతో అధ్యక్షుడు జిన్‌పింగ్ సస్పెండ్ చేశారు. CMC అనేది చైనాలో అత్యంత శక్తిమంతమైన సంస్థ కావడం గమనార్హం. ‘హువా క్రమశిక్షణ తప్పినట్లు ఆరోపణలున్నాయి. దర్యాప్తు జరుగుతున్నందున విధుల నుంచి తప్పించాం’ అని రక్షణ శాఖ ప్రతినిధి కియాన్ తెలిపారు. రక్షణ మంత్రి డాంగ్ జున్‌పైనా దర్యాప్తు జరుగుతోందన్న వార్తల్ని ఆయన ఖండించారు.