News November 20, 2024

యమహా RX-100: మళ్లీ వస్తోంది!

image

ఓ తరం మొత్తాన్ని ఆకట్టుకున్న యమహా RX 100 మళ్లీ మార్కెట్లోకి రానుంది. వచ్చే ఏడాది ప్రథమార్ధంలో లాంచ్ కావొచ్చని అంచనా. రూ.1.40లక్షల నుంచి రూ.1.50లక్షల మధ్యలో ధర ఉండొచ్చని మార్కెట్ వర్గాలంటున్నాయి. 100 CC సింగిల్ సిలిండర్ ఇంజిన్, ఫ్యూయల్ ఇంజెక్షన్ టెక్నాలజీ, 5 స్పీడ్ గేర్ బాక్స్, 70 కి.మీ మైలేజీ దీని ప్రత్యేకతలుగా తెలుస్తోంది. డిజైన్‌ విషయంలో పాత స్టైల్‌నే అనుసరించినట్లు సమాచారం.

Similar News

News November 29, 2025

విష్ణుమూర్తి కూడా శాపానికి గురయ్యాడని తెలుసా?

image

చరాచర సృష్టికి అధినాయకుడైన విష్ణుమూర్తి కూడా శాపానికి గురయ్యారు. జలంధరుడు అనే రాక్షసుడికి భార్య బృంద పాతివ్రత్యం కారణంగా మరణం ఉండదు. దీంతో విష్ణుమూర్తి జలంధరుడి రూపం ధరించి, బృందా పాతివ్రత్యాన్ని భంగం చేశారు. ఫలితంగా జలంధరుడు మరణించాడు. కోపించిన బృందాదేవి విష్ణువును తన శాపంతో శిలలా మార్చేసింది. లక్ష్మీదేవి వేడుకోగా శాపాన్ని ఉపసంహరించుకుంది. ఈ వృత్తాంతం నేపాల్‌లోని ముక్తినాథ్ ధామ్‌లో జరిగింది.

News November 29, 2025

వెండే బంగారమాయేనా…

image

బంగారం కొనలేనివారు వెండితో సరిపెట్టుకునేవారు. కానీ ఇప్పుడు వెండి.. బంగారంతో పోటీపడుతోంది. కేజీ సిల్వర్ రేట్ రూ.2 లక్షల వైపు శరవేగంగా దూసుకెళ్తోంది. కేవలం 5 రోజుల్లోనే రూ.21 వేలు పెరగడం గమనార్హం. HYD బులియన్ మార్కెట్లో ఈ వారం మొదట్లో రూ.1,74,000గా ఉన్న కేజీ సిల్వర్ రేట్ ఇవాళ రూ.1,92,000కు చేరింది. రేట్ల పెరుగుదల పెట్టుబడిదారులకు ఆనందం కలిగిస్తున్నా అవసరానికి కొనాలనుకునేవారికి ఆందోళన కలిగిస్తోంది.

News November 29, 2025

‘దిత్వా’ తుఫాను.. ఈ జిల్లాల్లో భారీ వర్షాలు

image

AP: ‘దిత్వా’ తుఫాను ప్రభావంతో 3 రోజుల పాటు దక్షిణ కోస్తా, రాయలసీమలోని కొన్ని ప్రాంతాల్లో మోస్తరు నుంచి భారీ వర్షాలు కురిసే అవకాశం ఉందని వాతావరణశాఖ పేర్కొంది. నేడు CTR, TPT, ప్రకాశం, NLR, కడప, అన్నమయ్య జిల్లాల్లో మోస్తరు నుంచి భారీ వర్షాలు కురిసే అవకాశం ఉంది. ఆదివారం నెల్లూరు, CTR, TPT, అన్నమయ్య జిల్లాల్లో భారీ వర్షాలు కురుస్తాయని, ఫ్లాష్ ఫ్లడ్స్ ముప్పు ఉందని వాతావరణశాఖ రెడ్ అలర్ట్ జారీ చేసింది.