News August 21, 2024

వైసీపీ సీసీ కెమెరా బిల్లులు కూడా చెల్లించలేదు: హోంమంత్రి అనిత

AP: వైసీపీ ప్రభుత్వం సీసీ కెమెరాల బిల్లులు కూడా చెల్లించలేదని హోంమంత్రి అనిత విమర్శించారు. హోంశాఖపై సీఎం సమీక్ష అనంతరం ఆమె మీడియాతో మాట్లాడారు. వైసీపీ నేతలు మహిళల భద్రత గురించి మాట్లాడటం హాస్యాస్పదమని అన్నారు. గతంలో 15వేల సీసీ కెమెరాలు ఉంటే కొన్ని పనిచేయట్లేదని చెప్పారు. రద్దీగా ఉండే ప్రాంతాలు, నేరాలు జరిగేందుకు అవకాశం ఉన్న ప్రాంతాల్లో సీసీ కెమెరాల ఏర్పాటు చేయాలని నిర్ణయించినట్లు పేర్కొన్నారు.