News April 5, 2024
జగన్‌పై వైఎస్ వివేకా భార్య పోటీ?
AP: పులివెందులలో సీఎం వైఎస్ జగన్‌పై దివంగత మాజీ మంత్రి వైఎస్ వివేకా భార్య సౌభాగ్యమ్మ పోటీ చేస్తున్నట్లు తెలుస్తోంది. ఆమె కాంగ్రెస్ పార్టీ తరఫున బరిలోకి దిగనున్నట్లు సమాచారం. త్వరలోనే దీనిపై అధికారిక ప్రకటన రానున్నట్లు తెలుస్తోంది. కాగా వైఎస్ వివేకా హత్యలో జగన్ హస్తం ఉందని వివేకా కుటుంబసభ్యులు ఆరోపిస్తున్నారు. అందుకే వచ్చే ఎన్నికల్లో ఆయనను గద్దె దించేందుకు పోటీకి సిద్ధమైనట్లు సమాచారం.
Similar News
News November 29, 2025
ట్రాఫిక్ చలాన్లపై రాయితీలు ఇవ్వడం సరైందేనా?
TG: ట్రాఫిక్ చలాన్లపై ప్రభుత్వం ఏటా రాయితీ ప్రకటిస్తుండటంతో జరిమానాల చెల్లింపు తేలికవుతోంది. వాహనదారులు పెండింగ్ చలాన్లన్నీ ఒకేసారి కట్టేస్తున్నారు. అయితే దీనిపై హైకోర్టు అభ్యంతరం వ్యక్తం చేసింది. డిస్కౌంట్ల వల్ల వాహనదారులకు చట్టంపై భయం తగ్గి క్రమశిక్షణారాహిత్యం పెరుగుతుందని ఓ కేసు విచారణ సందర్భంగా అభిప్రాయపడింది. రూల్స్ అతిక్రమించినా రాయితీ లభిస్తుందనే భావన ఉంటుందని పేర్కొంది. దీనిపై మీ COMMENT
News November 29, 2025
వేరుశనగ పంటలో కలుపు నివారణ ఎలా?
వేరుశనగలో కలుపు నివారణకు విత్తనం విత్తిన 24-48 గంటల్లోపు 12.4 గ్రా. డైక్లోసులామ్ 84% W.D.G మందును ఎకరానికి 200 లీటర్ల నీటిలో కలిపి పిచికారి చేయాలి. దీని వల్ల 30 రోజుల వరకు దాదాపు అన్ని రకాల కలుపు మొక్కలను సమర్థవంతంగా నివారించవచ్చు. విత్తిన 25-35 రోజల సమయంలో గొర్రుతో అంతరకృషి చేసి మొక్క మొదళ్లకు మట్టిని ఎగదోయడం వల్ల కలుపును నిర్మూలించడంతో పాటు మట్టిలోకి వేరుశనగ ఊడలు దిగడానికి అవకాశం ఏర్పడుతుంది.
News November 29, 2025
అంతరకృషి సాద్యం కాకపోతే.. వేరుశనగలో కలుపు నివారణ ఎలా?
వేరుశనగలో అంతరకృషి సాద్యం కాని పక్షంలో, కలుపు 2-4 ఆకుల దశలో ఉండి, ఎక్కువగా గడ్డి జాతి కలుపు మొక్కలుంటే ఎకరాకు 200 లీటర్ల నీటిలో క్విజాలొపాప్ ఇథైల్ 5% ఇ.సి 400ml లేదా ప్రొపాక్విజాఫాప్ 10% ఇ.సి 250ml మందును కలిపి పిచికారీ చేయాలి. పొలంలో గడ్డి జాతి, వెడల్పాకు కలుపు ఎక్కువగా ఉంటే ఎకరానికి 40గ్రా. ఇమజితపైర్ 35% + ఇమజామ్యాక్స్ 35% W.G ద్రావకాన్ని ఎకరానికి 200 లీ. నీటిలో కలిపి పిచికారి చేయాలి.