News September 22, 2025
యువరాజ్ శిక్షణలో రాటుదేలి.. బ్రహ్మోస్‌లా విరుచుకుపడ్డాడు
టీమ్ ఇండియా చిచ్చరపిడుగు అభిషేక్ శర్మ నిన్న పాకిస్థాన్‌పై ‘బ్రహ్మోస్’ క్షిపణిలా విరుచుకుపడ్డారు. గతంలో పాకిస్థాన్‌కు చుక్కలు చూపించిన యువరాజ్ సింగ్ శిక్షణలో రాటుదేలిన అభిషేక్.. పాక్ బౌలర్లను షేక్ చేశారు. అద్భుతమైన ఆటతీరుతో పాక్‌కు మ్యాచును దూరం చేశారు. అంతేకాదు ఆ జట్టు బౌలర్లు కవ్విస్తే తగ్గేదే లే అంటూ బ్యాటుతోనే జవాబిచ్చారు. పాక్‌పై లీగ్ స్టేజీలోనూ అభిషేక్ (13 బంతుల్లో 31) అదరగొట్టారు.
Similar News
News September 22, 2025
గేమ్ ఓడిపోయాం కానీ యుద్ధం గెలిచాం: రవూఫ్ భార్య
పాక్ మ్యాచ్ ఓడిపోయినా తన భర్త చేసిన పనితో గర్వంగా ఉన్నానని ఆ జట్టు బౌలర్ హారిస్ రవూఫ్ భార్య ముజ్నా మసూద్ తెలిపింది. నిన్న మ్యాచ్ సందర్భంగా రవూఫ్ ‘ఆపరేషన్ సిందూర్’లో భారత్ 6 ఫైటర్ జెట్లను కోల్పోయిందని వేళ్లతో <<17788891>>సంజ్ఞలు<<>> చేశాడు. దీన్ని ఇన్‌స్టాగ్రామ్‌లో షేర్ చేసిన ముజ్నా.. ‘గేమ్ ఓడిపోయాం కానీ యుద్ధం గెలిచాం’ అని పేర్కొంది. యుద్ధమైనా, ఆటైనా గెలిచేది భారతే అని టీమ్ ఇండియా ఫ్యాన్స్ కౌంటర్ ఇస్తున్నారు.
News September 22, 2025
మైథాలజీ క్విజ్ – 13 సమాధానాలు
1. దశరథుణ్ని వరాలు కోరమని కైకేయిని ప్రేరేపించింది ఆమె దాసి అయిన ‘మంధర’.
2. మహాభారతంలో కాశీరాజు పుత్రికలు అంబ, అంబిక, అంబాలిక.
3. కృష్ణుడిని చంపడానికి అఘాసురుడు భారీ కొండచిలువ రూపం ధరించాడు.
4. శ్రీశైలంలోని భ్రమరాంబికా దేవి కృష్ణా నది తీరాన కొలువై ఉంది.
5. శ్రీరాముడు రావణుడిని సంహరించిన సందర్భంగా దసరా పండుగను జరుపుకొంటారు.
<<-se>>#mythologyquiz<<>>
News September 22, 2025
ఆ వేడుకకు పవన్ అన్నను ఆహ్వానించా: లోకేశ్
AP: కూటమి ప్రభుత్వం తొలి ఏడాదిలోనే ఇచ్చిన మాట నిలుపుకుందని మంత్రి లోకేశ్ తెలిపారు. ‘Dy.CM పవన్ అన్నను మర్యాదపూర్వకంగా కలిశాను. ఈనెల 25న MEGA DSC విజేతలకు నియామక ఉత్తర్వులు అందించే కార్యక్రమానికి హాజరవ్వాలని ఆహ్వానించాను. గత ఐదేళ్లలో ఒక్క టీచర్ పోస్టు భర్తీ చేయకపోగా DSCని అడ్డుకోవాలని 87 కేసులు వేశారు. ఏళ్ల తరబడి ఎదురుచూస్తున్న నిరుద్యోగ టీచర్ల కలలు సాకారం చేశామని వివరించా’ అని ట్వీట్ చేశారు.