News September 1, 2024
అధికారులు క్షేత్రస్థాయిలో ప్రజలకు అందుబాటులో ఉండాలి: మంత్రి తుమ్మల
భారీ వర్షాల వలన ఏర్పడిన అత్యవసర పరిస్థితుల దృష్ట్యా అధికారులు అందరూ తమ సెలవలను రద్దు చేసుకుని క్షేత్రస్థాయిలో ప్రజలకు అందుబాటులో ఉండి పునరావాస చర్యల్లో నిమగ్నం అవ్వాలని మంత్రి తుమ్మల నాగేశ్వరరావు ఆదేశించారు. ఉద్ధృతి ఎక్కువగా ఉన్న ప్రాంతాల్లో ప్రజలు పునరావాస కేంద్రాలను వాడుకోవాలని సూచించారు. ప్రజలు హెల్ప్‌లైన్‌లను వినియోగించుకోవాలని అత్యవసర పరిస్థితి ఉంటే తప్పా బయటకు రావద్దని కోరారు.
Similar News
News January 15, 2025
ఉమ్మడి ఖమ్మం జిల్లాలో నేటి ముఖ్యాంశాలు
∆} ఖమ్మం వ్యవసాయ మార్కెట్‌కు సెలవు ∆} పాల్వంచ పెద్దమ్మ తల్లి ఆలయంలో ప్రత్యేక పూజలు ∆} పినపాకలో ఎమ్మెల్యే పాయం వెంకటేశ్వర్లు పర్యటన ∆} జూలూరుపాడులో ఎమ్మెల్యే రాందాస్ నాయక్ పర్యాటన ∆} అమ్మపేటలో మాజీ సీఎం ఎన్టీఆర్ విగ్రహావిష్కరణ ∆} ఖమ్మంలో విద్యుత్ సరఫరాలో అంతరాయం ∆} ఎమ్మెల్యే కోరం కనకయ్య పర్యటన
News January 15, 2025
ఖమ్మం ఖిల్లాపై రోప్ వే.. హిస్టరీ ఇదే
ఖమ్మం ఖిల్లాపై రూ.30కోట్లతో ప్రభుత్వం రోప్ వే నిర్మించనున్న సంగతి తెలిసిందే. ఖిల్లాలో ఉన్న జాఫర్ బావికి సైతం పునరుద్ధరణ పనులు చేస్తోంది. అయితే ఈ ఖిల్లాకు చారిత్రక నేపథ్యం ఉంది. మొదట దీని పేరు ఖమ్మంమెట్టు కాగా క్రీ.శ 950లో నిర్మాణానికి పునాదులు పడ్డాయి. 400 ఏళ్లపాటు కాకతీయులు, 300 ఏళ్లపాటు రెడ్డి రాజుల అధీనంలో ఉండగా అనంతరం కుతుబ్ షాహీ వంశస్థులు కోటను మెరుగుపరిచి ఖమ్మం ఖిల్లాగా పేరు మార్చారు.
News January 15, 2025
KMM: పండుగపూట.. యువకుడి కిడ్నాప్ కలకలం!
పండగపూట యువకుడు కిడ్నాప్‌నకు గురైన ఘటన ఖమ్మంలో చోటుచేసుకుందని స్థానికులు తెలిపారు. వారి వివరాలిలా.. పోలెపల్లి రాజీవ్ గృహ కాలనీకి చెందిన సంజయ్ కుమార్ సోమవారం రాత్రి తన అన్నను తీసుకురావడానికి బస్టాండ్‌కు వెళ్తుండగా కొందరు గుర్తు తెలియని వ్యక్తులు కిడ్నాప్ చేశారని అన్న సాయికి సంజయ్ కుమార్ ఫోన్ చేశాడు. కొద్ది సేపటికే సంజయ్ ఫోన్ కలవకపోవడంతో కుటుంబ సభ్యులు పోలీస్ స్టేషన్లో ఫిర్యాదు చేసినట్లు చెప్పారు.