News April 1, 2025
అనంతసాగరం: ఈతకెళ్లి యువకుడి మృతి
ఈతకెళ్లి యువకుడు మృతి చెందిన ఘటన అనంతసాగరం మండలంలో మంగళవారం జరిగింది. అనంతసాగరం మండలం మినగల్లు గ్రామానికి చెందిన షేక్ మస్తాన్ బాష (21) సోమశిల ఉత్తర కాలువలో ఈత కొట్టేందుకు వెళ్లి మృతి చెందాడు. పోలీసులు ఘటనా స్థలానికి వెళ్లి మృతదేహాన్ని వెలికి తీయించి పోస్టుమార్టం నిమిత్తం ఆత్మకూరు వైద్యశాలకు తరలించారు. మరింత సమాచారం తెలియాల్సి ఉంది.
Similar News
News April 3, 2025
గూడూరులో ఎంటెక్ విద్యార్థి మృతి
గూడూరులో ఓ ఎంటెక్ విద్యార్థి చనిపోయాడు. స్థానికంగా ఉన్న ఆదిశంకర ఇంజినీరింగ్ కళాశాలలో జశ్వంత్ ఎంటెక్ రెండో సంవత్సరం చదువుతున్నాడు. ఈక్రమంలో కాలేజీ బిల్డింగ్ రెండో అంతస్తు నుంచి అతను దూకేశాడు. ఆసుపత్రికి తరలించగా చికిత్స పొందుతూ కన్నుమూశాడు. కాలేజీ యాజమాన్యం వేధింపులతోనే తమ బిడ్డ ఆత్మహత్య చేసుకున్నాడని విద్యార్థి తల్లిదండ్రులు ఆరోపిస్తున్నారు.
News April 3, 2025
NLR: గుంతలో పడి మృతి.. భారీ ఫైన్ వేసిన కోర్టు
అధికారుల నిర్లక్ష్యంతో చనిపోయిన టీచర్ కుటుంబానికి భారీ పరిహారం అందింది. విడవలూరు(M) రామతీర్థం స్కూల్ పీఈటీ దాసరి కామరాజ్ 2016 మే27న బైకుపై నెల్లూరుకు వెళ్లాడు. తిరిగొస్తుండగా గుండాలమ్మపాలెం వద్ద గుంతలో పడి చనిపోయారు. అక్కడ హెచ్చరిక బోర్డు లేకపోవడంతో చనిపోయారని బంధువులు జిల్లా కోర్టును ఆశ్రయించారు. కామరాజ్‌కు ఇంకా 12ఏళ్ల సర్వీస్ ఉండటంతో రూ.1.30కోట్లు చెల్లించాలని R&B శాఖను కోర్టు ఆదేశించింది.
News April 3, 2025
నెల్లూరు: అగ్నివీర్ నోటిఫికేషన్ విడుదల
ఆర్మీలో చేరాలనుకుంటున్న నెల్లూరు యువతకు ప్రభుత్వం గుడ్ న్యూస్ చెప్పింది. 2025-26 అగ్ని వీర్ రిక్రూట్మెంట్‌కు నోటిఫికేషన్ ఇచ్చింది. ఇంటర్ పూర్తి చేసిన వాళ్లు అర్హులు. ట్రైనింగ్‌తో పాటు నాలుగేళ్లు ఆర్మీలో పనిచేయాల్సి ఉంటుంది. ఈనెల 10వ తేదీలోపు www.joinindainarmy.nic.in ద్వారా దరఖాస్తు చేసుకోవాలని కలెక్టర్ ఓ.ఆనంద్ సూచించారు. యువకులతో పాటు మహిళలు సైతం అప్లై చేసుకోవచ్చు.