News April 23, 2025
అనకాపల్లి జిల్లా వైసీపీ అధ్యక్షుడిగా అమర్నాథ్
అనకాపల్లి జిల్లా వైసీపీ అధ్యక్షుడిగా మాజీ మంత్రి గుడివాడ అమర్నాథ్ నియమితులయ్యారు. ఆ పార్టీ అధినేత మాజీ ముఖ్యమంత్రి వైయస్ జగన్మోహన్ రెడ్డి ఆదేశాల మేరకు అమర్నాథ్‌ను జిల్లా పార్టీ అధ్యక్షుడిగా నియమించినట్లు పార్టీ కేంద్ర కార్యాలయం మంగళవారం ఓ ప్రకటనలో పేర్కొంది. అమర్నాథ్ మాట్లాడుతూ.. గ్రామస్థాయి నుంచి పార్టీ బలోపేతమే లక్ష్యంగా పనిచేస్తానని అన్నారు.
Similar News
News April 23, 2025
HYD: MLC ఎన్నిక.. 112లో 88 మంది ఓటు
22 ఏళ్ల తర్వాత జరిగిన హైదరాబాద్ MLC కోటా ఎన్నిక ప్రశాంతంగా ముగిసింది. సాయంత్రం 4 గంటల వరకు 112 ఓటర్లు ఉండగా మొత్తం 88 మంది ఓటు వేశారు. 24 మంది BRS ఓటర్లు మినహాయిస్తే MIM, కాంగ్రెస్, BJP సభ్యులు తమ ఓటు హక్కును వినియోగించుకున్నారు. ఉదయం 10 గంటల వరకు 37.51%, మ. 12 గంటల వరకు 77.68%, మధ్యాహ్నం 78.57% ఓటింగ్ నమోదు అయ్యింది.
News April 23, 2025
బాన్సువాడ: చదువు విద్యార్థుల భవిష్యత్తును నిర్ణయిస్తుంది: DEO
చదువు మాత్రమే విద్యార్థుల భవిష్యత్తును నిర్ణయిస్తుందని DEO అశోక్ అన్నారు. బుధవారం బాన్సువాడ మండలం బోర్లం ప్రాథమిక పాఠశాలలో ఏర్పాటు చేసిన విద్యార్థుల తల్లిదండ్రుల సమావేశంలో ముఖ్యఅతిథిగా పాల్గొని మాట్లాడారు. వేసవి సెలవులు ఉన్నందున పిల్లలకు ఇంటి వద్ద చదివించాలన్నారు. అనంతరం 1 నుంచి 5వ తరగతి విద్యార్థులకు ప్రగతి పట్టాలను అందజేశారు. ప్రధానోపాధ్యాయులు వెంకటరమణ, గోపి, అయ్యాల సంతోష్ ఉన్నారు.
News April 23, 2025
వీరయ్య చౌదరికి CM నివాళి
నాగులుప్పలపాడు మండలం అమ్మనబ్రోలులోని వీరయ్య చౌదరి నివాసానికి CM చంద్రబాబు చేరుకున్నారు. వీరయ్య మృతదేహానికి నివాళులు అర్పించారు. అనంతరం కుటుంబ సభ్యులను పరామర్శించారు. ధైర్యంగా ఉండాలని సూచించారు. అన్ని విధాలుగా తాను అండగా ఉంటానని భరోసా కల్పించారు.