News March 31, 2025
అన్నమయ్య: ఉగాది వేడుకల్లో పాల్గొన్న SP దంపతులు
అన్నమయ్య జిల్లా రాయచోటి పోలీసు ప్రధాన కార్యాలయంలో ఆదివారం శ్రీ విశ్వావసునామ ఉగాది పండుగను జిల్లా పోలీస్ శాఖ ఘనంగా నిర్వహించింది. సంప్రదాయ దుస్తుల్లో జిల్లా ఎస్పీ విద్యాసాగర్ నాయుడు దంపతులు పూజల్లో పాల్గొన్నారు. పోలీసు అధికారులకు సిబ్బందికి ఉగాది పచ్చడి, ప్రసాదం, భోజనాలను ఎస్పీ దంపతులు పంపిణీ చేశారు. అనంతరం పోలీసు అధికారులు, సిబ్బందితో గ్రూప్ ఫొటో దిగి జిల్లా పోలీసులు అందరిలో ఉత్సాహాన్ని నింపారు.
Similar News
News April 3, 2025
MBNR: 29 వేల మందికి మరో అవకాశం కల్పించిన ప్రభుత్వం
మహబూబ్‌నగర్ నగరపాలక సంస్థ ఆధ్వర్యంలో ఎల్ఆర్ఎస్ కింద 31,190 మంది దరఖాస్తు చేసుకున్నారు. వీరందరికీ ప్రభుత్వం మార్చి నెలాఖరు వరకు రాయితీతో అవకాశం కల్పించినా కేవలం 2వేల మంది మాత్రమే పరిష్కరించుకున్నారు. మిగిలిన 29 వేల మంది దరఖాస్తుదారులకు ప్రభుత్వం మరో అవకాశం కల్పిస్తూ ఏప్రిల్ నెల వరకు 25 శాతం సబ్సిడీతో పరిష్కరించుకునేలా అవకాశాన్ని పొడిగించింది. ఇకనైనా వీరు ముందుకొస్తారో లేదో వేచి చూడాల్సిందే.
News April 3, 2025
నారాయణపేట జిల్లా ప్రజలకు ముఖ్య గమనిక
ల్యాండ్ రెగ్యులరైజేషన్ స్కీమ్ (LRS) రాయితీ గడువును ప్రభుత్వం ఈనెల 30 వరకు పొడిగించినట్లు నారాయణపేట జిల్లా అదనపు కలెక్టర్ సంచిత్ గంగ్వార్ బుధవారం ఓ ప్రకటనలో తెలిపారు. ల్యాండ్ రెగ్యులరైజేషన్ స్కీమ్ రాయితీ కోసం దరఖాస్తు చేసుకున్న వారు ఈ అవకాశాన్ని సద్వినియోగం చేసుకోవాలని కోరారు. దరఖాస్తుదారుల కోరిక మేరకు ప్రభుత్వం ఈ నిర్ణయం తీసుకుందని ఆయన చెప్పారు.
News April 3, 2025
RGM: కమిషనరేట్ పరిధిలో నెలపాటు నిషేధాజ్ఞలు
రామగుండం పోలీస్ కమిషనరేట్ పరిధి పెద్దపల్లి, మంచిర్యాల జిల్లాలలో నెల పాటు నిషేధాజ్ఞలు విధించినట్లు పోలీస్ కమిషనర్ అంబర్ కిషోర్ ఝా ప్రకటనలో తెలిపారు. అనుమతి లేని డ్రోన్లు, DJసాండ్స్ పై చర్యలు తీసుకుంటామన్నారు. బహిరంగ ప్రదేశాలలో మద్యంతాగి ఇతరులను ఇబ్బందులకు గురి చేస్తే తీవ్ర పరిణామాలు ఉంటాయన్నారు. ధర్నాలు, ర్యాలీలు, రాస్తారోకో, సభలు, సమావేశాలు నిర్వహించకూడదన్నారు.