News January 31, 2025
ఆదోని: రోడ్డు భద్రతపై సబ్ కలెక్టర్ సమీక్ష
ఆదోని సబ్ కలెక్టరేట్లో రోడ్డు భద్రత సమీక్షా సమావేశం గురువారం సబ్ కలెక్టర్ మౌర్య భరద్వాజ్ ఆధ్వర్యంలో వివిధ శాఖల అధికారులతో నిర్వహించారు. ప్రమాదాలు జరగకుండా సీసీ కెమెరాలు, స్పీడ్ బ్రేకర్లు, లైట్లు వేయించటం, ముఖ్యమైన సర్కిల్‌లో పబ్లిక్ అడ్రస్ సిస్టం ఏర్పాటు చేయటం, మొదలగు అంశాలపై చర్చించారు. ఈ కార్యక్రమంలో డీఎస్పీ హేమలత, ఆర్టీవో నాగేంద్ర, మోటర్ వెహికల్ ఇన్స్పెక్టర్ శిశిర దీప్తి పాల్గొన్నారు.
Similar News
News January 31, 2025
కిడ్నీ మార్పిడి మోసం.. కర్నూలులో నిందితుడి అరెస్ట్
కిడ్నీ మార్పిడి పేరుతో మోసానికి పాల్పడిన నిందితుడిని పోలీసులు అరెస్ట్ చేశారు. సి.బెళగల్ మం. మారందొడ్డికి చెందిన గాగప్ప తరచూ డయాలసిస్ చేయించుకుంటున్నారు. ఈ క్రమంలో పొన్నకల్లు గ్రామానికి చెందిన నరసింహుడు తాను అనస్థీషియా పనిచేస్తున్నానని, కిడ్నీ మార్పిడి చేయిస్తానంటూ నమ్మబలికాడు. ఈయన మాయమాటలు నమ్మిన నాగప్ప రూ.3.15లక్షలు చెల్లించాడు. అప్పటి నుంచి నిందితుడు ముఖం చాటేయడంతో పోలీసులకు ఫిర్యాదు చేశారు.
News January 30, 2025
ఎమ్మిగనూరు: ‘తండ్రీకొడుకుల మృతికి కారణం ఇదే’
ఎమ్మిగనూరు మండలం బోడబండ దగ్గర బుధవారం జరిగిన రోడ్డుప్రమాదంలో తండ్రీకొడుకు మరణించిన విషయం తెలిసిందే. అయితే ఆర్టీసీ బస్సు డ్రైవర్ నిర్లక్ష్యమే వారి మృతికి కారణమని మృతుల కుటుంబీకులు ఆరోపించారు. ముందు వెళ్తున్న వాహనాన్ని బస్సు ఓవర్ టేక్ చేయబోయి బైకును ఢీ కొట్టిందన్నారు. గురువారం గ్రామస్థుల అశ్రునయనాల మధ్య శ్యామేల్(30), గౌతమ్(2)ల అంత్యక్రియలు జరిగాయి.
News January 30, 2025
అవార్డులు సాధించిన పత్తికొండ విద్యార్థులు
వికసిత్ భారత్ 2047 అనే అంశంపై SSGS (గుంతకల్) కళాశాలలో జరిగిన జాతీయ సదస్సులో పత్తికొండ ప్రభుత్వ డిగ్రీ కళాశాల విద్యార్థులు పాల్గొని అవార్డులు సాధించారు. సాంకేతికతో నైపుణ్యాన్ని పెంపొందించుకొని పలు రంగాలలో విస్తృతంగా వినియోగించి స్థిరమైన అభివృద్ధి సాధ్యమని వ్యవసాయ సమస్యల పరిష్కారానికి సాంకేతిక పరిజ్ఞానం ఆర్టిఫిషియల్ ఇంటెలిజెన్స్ ఉపయోగించి పరిష్కరించాలని శివప్రసాద్, శ్రావణి, లత అన్నారు.