News November 11, 2024

ఈ నెల 16 నుంచి ఉచిత డీఎస్సీ కోచింగ్: మంత్రి సవిత

బీసీ స్టడీ సర్కిళ్ల ఆధ్వర్యంలో ఈ నెల 16 నుంచి ఉచిత డీఎస్సీ కోచింగ్ సెంటర్లు ప్రారంభించనున్నట్లు మంత్రి సవిత తెలిపారు. సోమవారం విజయవాడలోని తన కార్యాలయంలో ఆమె మీడియాతో మాట్లాడారు. రాష్ట్రవ్యాప్తంగా 2 నెలల పాటు 5,200 మందికి శిక్షణ ఇస్తామని తెలిపారు. ఎన్నికల హామీల్లో భాగంగా సీఎం చంద్రబాబు మెగా డీఎస్సీపైనే తొలి సంతకం చేశారన్నారు. సీఎం సూచనలతో బీసీ అభ్యర్థులకు ఉచిత కోచింగ్ ఇవ్వాలని నిర్ణయించామన్నారు.