News January 31, 2025
ఉత్తమ ఆర్టీసీ డ్రైవర్లను సన్మానించిన వరంగల్ సీపీ
ప్రమాద రహిత డ్రైవింగ్ చేసిన ఆర్టీసీ డ్రైవర్లను వరంగల్ పోలీస్ కమిషనర్ అంబర్ కిషోర్ ఝా అభినందించి సన్మానం చేశారు. హనుమకొండ ఆర్టీసీ డిపోలో జాతీయ రోడ్డు భద్రత మాసోత్సవాల ముగింపు కార్యక్రమం వరంగల్ ఆర్టీసీ రీజినల్ మేనేజర్ విజయ భాను అధ్యక్షతన శుక్రవారం జరిగింది. ట్రాఫిక్ నిబంధనలను పాటిస్తూ ప్రమాద రహిత డ్రైవింగ్ చేయాలని వారు పిలుపునిచ్చారు. రీజియన్‌లోని డీఎంలు, సూపర్‌వైజర్లు, సిబ్బంది పాల్గొన్నారు.
Similar News
News January 31, 2025
డిచ్‌పల్లి: పీజీ పరీక్షా కేంద్రాన్ని తనిఖీ చేసిన కలెక్టర్
తెలంగాణ విశ్వవిద్యాలయం ఆర్ట్స్ అండ్ సైన్స్ కళాశాలలో పీజీ పరీక్ష కేంద్రాన్ని ఉపకులపతి యాదగిరి రావు, రిజిస్ర్టార్ యాదగిరి శుక్రవారం తనిఖీ చేశారు. పరీక్షల నిర్వహణ ఏర్పాట్లపై సంతృప్తి వ్యక్తం చేశారు. ఈ తనిఖీలలో కళాశాల ప్రధానాచార్యులు ఆరతి, పరీక్షల నియంత్రణ అధికారిని ఆచార్య అరుణ, అడిషనల్ కంట్రోలర్ సాయిలు, తదితరులు పాల్గొన్నారు.
News January 31, 2025
కొమురవెల్లి మల్లన్న ఆదాయం @రూ.58,47,941
ప్రముఖ పుణ్యక్షేత్రమైన కొమురవెల్లి మల్లికార్జున స్వామి వారి హుండీ ఆదాయాన్ని ఆలయ అధికారులు శుక్రవారం లెక్కించారు. స్వామి వారికి 15 రోజుల్లో రూ.58,47,941 ఆదాయం వచ్చినట్లు ఆలయ ఈవో రామాంజనేయులు తెలిపారు. 31 గ్రాముల మిశ్రమ బంగారం, 6 కిలోల మిశ్రమ వెండి, 24 విదేశీ నోట్లు, మిశ్రమ బియ్యం 11 క్వింటాళ్లు వచ్చాయన్నారు. ఈ కార్యక్రమంలో ఆలయ అర్చకులు సిబ్బంది, టీజీబీ బ్యాంక్ సిబ్బంది తదితరులు పాల్గొన్నారు.
News January 31, 2025
ఇంటర్ పరీక్షలకు విశాఖలో ఏర్పాట్లు పూర్తి
విశాఖలో శనివారం జరగబోయే ఇంటర్ ఫస్ట్ ఇయర్ నైతిక విలువలు పరీక్షకు అన్ని ఏర్పాట్లు పూర్తి చేసినట్లు అధికారులు కలెక్టర్‌కు వివరించారు. 42,230 మంది ఫస్ట్ ఇయర్ విద్యార్థులు 184 కేంద్రాల్లో పరీక్ష రాయనున్నట్లు తెలిపారు. ఉ.10 గంటల నుంచి మధ్యాహ్నం 1 గంట వరకు పరీక్ష జరుగుతుందన్నారు. ఫిబ్రవరి 3న పర్యావరణ పరీక్ష కూడా అవే కేంద్రాల్లో జరగనున్నట్లు వెల్లడించారు.