News April 6, 2024
ఐపీఎల్ మ్యాచ్‌లో ఉమ్మడి జిల్లా మంత్రులు
శుక్రవారం హైదరాబాద్ ఉప్పల్ స్టేడియం వేదికగా జరిగిన సన్ రైజర్స్ హైదరాబాద్ వర్సెస్ చెన్నై మ్యాచ్ లో ఉమ్మడి కరీంనగర్ జిల్లా మంత్రులు సందడి చేశారు. ఈ సందర్భంగా రాష్ట్ర ఐటీ పరిశ్రమల శాఖ దుద్దిళ్ళ శ్రీధర్ బాబు, రాష్ట్ర బీసీ సంక్షేమశాఖ మంత్రి పొన్నం ప్రభాకర్ పాల్గొన్నారు. సీఎం రేవంత్ రెడ్డి, హీరో వెంకటేష్‌లతో కలిసి మ్యాచ్ వీక్షించారు. అనంతరం హైదరాబాద్ జట్టు గెలవడం పట్ల సంతోషం వ్యక్తం చేశారు.
Similar News
News December 25, 2024
KNR: భూమి లేని పేదలను గుర్తించేదెలా!
భూమిలేని పేదలకు ప్రభుత్వం రూ.12 వేలు ఆర్థిక సహాయం అందించనుంది. తొలి విడతగా ఈనెల 28న రూ.6 వేలు జమ చేయనున్నట్లు ప్రకటించింది. ఉపాధి హామీ జాబ్ కార్డు దారుల ఆధారంగా ఎంపిక చేయనున్నట్లు ప్రకటించారు. అయితే ఉమ్మడి కరీంనగర్ జిల్లాలో 5,52,932 కార్డుదారులు ఉన్నారు. వీరిలో భూమి ఉన్న వారు కూడా ఉన్నారు. ఈ నేపథ్యంలో ఉపాధి హామీ ఆధారంగా చేస్తారా? లేక రైతు భరోసా ఆధారంగా ఎంపిక చేస్తారా! అనేది సందేహంగా మారింది.
News December 25, 2024
నేడు SRSP కాకతీయ ప్రధాన కాలువ ద్వారా నీటి విడుదల: SE
శ్రీరామ్ సాగర్ ప్రాజెక్టు నుంచి కాకతీయ ప్రధాన కాలువ ద్వారా ఇవాళ ఉదయం 10 గంటలకు నీటిని విడుదల చేయనున్నట్లు పోచంపాడ్ ఇరిగేషన్ సర్కిల్ SE శ్రీనివాస్ రావు గుప్త తెలిపారు. ఇందులో భాగంగా ఆన్ అండ్ ఆఫ్ పద్ధతిలో జోన్-1 (D5 నుంచి D53) ఆయకట్టుకు 7 రోజులు, జోన్-2 (D54 నుంచి D94) ఆయకట్టుకు 8 రోజులు సాగునీటి సరఫరా చేస్తామన్నారు. మొదట జోన్ 2కు ఏప్రిల్ 8 వరకు సాగునీటి విడుదల ఉంటుందని వివరించారు.
News December 25, 2024
KNR: ‘‘భారత్ బ్రాండ్” విక్రయ వాహనాన్ని జెండా ఊపి ప్రారంభించిన కేంద్ర మంత్రి
కరీంనగర్ కలెక్టరేట్ ఆవరణలో పేదలు, మధ్యతరగతి ప్రజలకు అందుబాటు ధరల్లో ఆహార ఉత్పత్తుల విక్రయాలు జరపాలన్న ఉద్దేశంతో కేంద్ర ప్రభుత్వం ప్రారంభించిన “భారత్ బ్రాండ్” విక్రయవాహనాన్ని కేంద్ర మంత్రి బండి సంజయ్ కుమార్ కలెక్టరేట్ ఆవరణలో జెండా ఊపి ప్రారంభించారు. ఈ కార్యక్రమంలో జిల్లా కలెక్టర్ పమేలా సత్పతి, ట్రైనీ కలెక్టర్ అజయ్ యాదవ్, ఆర్డీవో మహేశ్వర్ పాల్గొన్నారు.