News October 14, 2024

కడప: ఉచితంగా డీఎస్సీ శిక్షణా కార్యక్రమం

image

కడప జిల్లా పరిధిలోని ఎస్సీ, ఎస్టీ అభ్యర్థులకు ఉచితంగా డీఎస్సీ శిక్షణ కార్యక్రమం అందిస్తున్నట్లు సాంఘిక సంక్షేమ శాఖ డిప్యూటీ డైరెక్టర్ సరస్వతి తెలియజేశారు. ఎస్‌జిటి, స్కూల్ అసిస్టెంట్ పోస్టులకు శిక్షణ ఇస్తున్నట్లు చెప్పారు. అర్హత కలిగిన అభ్యర్థులు జ్ఞానభూమి వెబ్సైట్లో అక్టోబర్ 21వ తేదీలోపు దరఖాస్తు చేసుకోవాలని సూచించారు.

Similar News

News October 14, 2024

కడప: డిగ్రీ ఒకేషనల్ పరీక్షలు వాయిదా

image

యోగి వేమన విశ్వవిద్యాలయ పరిధిలో ఈనెల 15వ తేదీ నుంచి జరగాల్సిన డిగ్రీ ఒకేషనల్ కోర్సులకు సంబంధించిన పరీక్షలను వాయిదా వేస్తున్నట్టు పరీక్షల నియంత్రణాధికారి ఆచార్య ఎన్. ఈశ్వరరెడ్డి తెలిపారు. బంగాళాఖాతంలో ఏర్పడిన తీవ్ర తుఫాను ప్రభావం అన్నమయ్య, వైఎస్సార్ జిల్లాలపై ఉంటుందని ప్రకటించిన నేపథ్యంలో విశ్వవిద్యాలయ ఉపకులపతి ఆచార్య కె. కృష్ణారెడ్డి వాయిదా వేస్తూ నిర్ణయం తీసుకున్నారని తెలిపారు.

News October 14, 2024

కడప: కమిషనర్ కార్యాలయంలో అర్జీలు స్వీకరణ

image

కడప నగర పరిధిలోని మున్సిపల్ కమిషనర్ కార్యాలయంలో ప్రజల నుంచి అర్జీలు స్వీకరించినట్లు ఇన్‌ఛార్జ్ కమిషనర్ రాకేశ్ చంద్రం పేర్కొన్నారు. సోమవారం ఉదయం పట్టణంలోని వివిధ ప్రాంతాల నుంచి ప్రజలు వారి సమస్యలను అర్జీల రూపంలో అందించినట్లు చెప్పారు. మున్సిపాలిటీ సిబ్బంది చేత సమస్యలను వెంటనే పరిష్కరించే విధంగా చర్యలు తీసుకుంటామని కమిషనర్ తెలిపారు.

News October 14, 2024

కడప జిల్లా వ్యాప్తంగా భారీగా పోలీసు సిబ్బంది బదిలీ

image

కడప జిల్లా వ్యాప్తంగా పని చేస్తున్న పలువురు పోలీసు సిబ్బందిని బదిలీ చేస్తూ సోమవారం ఎస్పీ హర్షవర్ధన్ రాజు ఉత్తర్వులు జారీ చేశారు. ఇందులో 14 మంది ఏఎస్సైలు, 19 మంది హెడ్ కానిస్టేబుళ్లు, 44 మంది పోలీసు సిబ్బందికి స్థానచలనం కల్పించారు. ఇందులో మహిళా పోలీసు సిబ్బంది కూడా ఉన్నారు. వెంటనే సిబ్బంది కేటాయించిన పోలీస్ స్టేషన్‌లో రిపోర్ట్ చేసుకోవాలని ఎస్పీ ఉత్తర్వుల్లో పేర్కొన్నారు.