News January 30, 2025
కడప జిల్లలో విద్యకు ప్రాధాన్యత: కలెక్టర్
రాష్ట్ర ప్రభుత్వం విద్యకు అత్యంత ప్రాధాన్యతనిస్తోందని కడప జిల్లా కలెక్టర్ శ్రీధర్ చెరుకూరి అన్నారు. సింహాద్రిపురం మండలం ZPHS నూతన భవన ప్రారంభోత్సవ కార్యక్రమానికి బుధవారం జిల్లా కలెక్టర్ హాజరై ప్రారంభించారు. ప్రైవేట్ పాఠశాలలకు ధీటుగా సింహాద్రిపురం జిల్లా పరిషత్ ఉన్నత పాఠశాల నిలిచిందన్నారు. ప్రభుత్వం, ప్రవేటు, దాతలు, గ్రామ పెద్దలు అందరి సహకారంతో అద్భుతమైన స్కూలును నిర్మించారని కలెక్టర్ అన్నారు.
Similar News
News January 31, 2025
పెద్ద శేషవాహనం అభయమిచ్చిన కడప రాయుడు
దేవుని కడప శ్రీ లక్ష్మీ వెంకటేశ్వర స్వామి వార్షిక బ్రహ్మోత్సవాల్లో భాగంగా 2వ రోజు గురువారం పెద్ద శేష వాహనంపై శ్రీనివాసుడు భక్తులకు అభయమిచ్చాడు. ముందుగా వాహనంపై కడప రాయుడిని ఆసీనులు చేసి, పట్టు వస్త్రాలు, బంగారు ఆభరణాలు తొడిగి, తులసి గజమాలలతో సుందరంగా అలంకరించి, మహా హారతి అనంతరం గ్రామోత్సవం ప్రారంభమైంది. ఈ ఊరేగింపులో స్వామిని తిలకించిన భక్తులు తన్మయం చెంది, స్వామి వారికి కాయ కర్పూరం సమర్పించారు.
News January 30, 2025
వేముల: నేత్రదానంతో ఇద్దరు అంధులకు చూపు
నేత్రదానం చేయడం వల్ల ఇద్దరు అంధులకు చూపును ప్రసాదించవచ్చునని నేత్ర సేకరణ కేంద్ర అధ్యక్షుడు రాజు పేర్కొన్నారు. గురువారం వేముల మండలం కొత్తపల్లికి చెందిన చందా మల్లమ్మ అనే వృద్ధురాలు అనారోగ్యంతో మృతి చెందింది. మృతురాలి కుటుంబ సభ్యులు నేత్రదానానికి అంగీకరించడంతో రాజు మృతురాలి ఇంటికి వెళ్లి కార్నియాలను సేకరించి హైదరాబాదులోని డాక్టర్ అగర్వాల్ నేత్రనిధికి పంపించారు.
News January 30, 2025
గాంధీకి తాళ్ల ప్రొద్దుటూరుతో అనుబంధం
జాతిపిత మహాత్మా గాంధీకి కొండాపురం మండలంలోని పలు గ్రామాలతో అనుబంధం ఉంది. అనంతపురం జిల్లా తాడిపత్రి నుంచి పాదయాత్ర చేసిన ఆయన.. బొందలదిన్నె, పాత సుగుమంచిపల్లి, పాత తాళ్లప్రొద్దుటూరు, పాత చౌటుపల్లి, మంగపట్నం మీదుగా కడపకు వెళ్లారని అప్పటితరం మనుషులు చెబుతుంటారు. పాత కొండాపురానికి చెందిన నబీ రసూల్ అనే వ్యక్తి గాంధీతో కలిసి ఉద్యమాల్లో పాల్గొన్నారు.