News January 31, 2025
కుంభమేళాకు కాజీపేట మీదుగా ప్రత్యేక రైళ్లు
ప్రయాగరాజ్ కుంభమేళా ప్రయాణికులను దృష్టిలో ఉంచుకుని కాజీపేట జంక్షన్ మీదుగా 4 ప్రత్యేక రైళ్లు నడిపిస్తున్నట్లు దక్షిణ మధ్య రైల్వే అధికారులు తెలిపారు. ఫిబ్రవరి 15న మౌలాలి- గయా (07089) ఎక్స్‌ప్రెస్ 19.43 గంటలకు, 18న వికారాబాద్- గయా (07091) ఎక్స్ ప్రెస్ 19.43 గంటలకు, 18న మౌలాలి- బనారస్ (07087) ఎక్స్‌ప్రెస్ 02.08 గంటలకు, 22న మౌలాలి- అజాంఘర్ (07707) 02.08 గంటలకు కాజీపేటకు చేరుకుంటాయని తెలిపారు.
Similar News
News January 31, 2025
అంతర్వేది వరకు బస్సులు నడపాలని వినతి
అంతర్వేది కళ్యాణోత్సవాలకు స్పెషల్ బస్సుల పేరుతో అధిక చార్జీలు వసూలు చేయరాదని బజరంగ్ దళ్ నాయకుడు శిరంగు నాయుడు కోరారు. అమలాపురం నుంచి మలికిపురం వరకే కాకుండా అంతర్వేది వరకు పూర్తిస్థాయిలో బస్సులు నడపాలని విన్నవించారు. ఈ మేరకు ఆయన అమలాపురం ఆర్టీసీ డిపో మేనేజర్ చర్ల సూర్యనారాయణను శుక్రవారం కలిసి వినతిపత్రం అందజేశారు. భక్తులు రద్దీకి తగ్గట్టుగా పూర్తిస్థాయిలో బస్సులు నడపాలని కోరారు.
News January 31, 2025
షుగర్ బాధితులూ.. ఈ సంగతి తెలుసా!
డయాబెటిస్ రోగుల్లో 40% పైగా సూక్ష్మ పోషకాల లోపంతో బాధపడుతున్నారని స్టడీస్ చెబుతున్నాయి. ఆహారంపై పరిమితులు, తిన్నది ఒంటికి పట్టకపోవడం, యూరిన్ ద్వారా విటమిన్లు, మినరల్స్ వెళ్లిపోవడం, పోషకాల జీవక్రియలపై రోగ ప్రభావమే ఇందుకు కారణాలు. వీరిలో ఎక్కువగా విటమిన్ D, B12, మెగ్నీషియం, ఐరన్, జింక్ లోపం కనిపిస్తున్నాయి. డాక్టర్ల సూచన మేరకు క్వాలిటీ ఫుడ్, సప్లిమెంట్లు తీసుకోవడం మంచిదని స్టడీస్ సూచిస్తున్నాయి.
News January 31, 2025
HYD: గద్దర్ జయంతి.. సీఎం సందేశం
గద్దర్ జయంతి సందర్భంగా సీఎం రేవంత్ నివాళులర్పించారు. తన కలం, గళంతో గద్దర్ తెలంగాణ ఉద్యమానికి ఊపిరులూదారని, సమాజంలో అసమానతలు, వివక్షలకు వ్యతిరేక గొంతుక అని సీఎం రేవంత్ స్మరించుకున్నారు. గద్దర్ జయంతిని ప్రజా ప్రభుత్వం అధికారికంగా నిర్వహించడంతో పాటు, ఆయన పేరుతో అవార్డు నెలకొల్పి ఏటా కవులు, కళాకారులు, సినీ ప్రముఖులకు ప్రదానం చేయాలని నిర్ణయించిన విషయాన్ని సీఎం ఈ సందర్భంగా గుర్తు చేశారు.