News February 24, 2025
కుబీర్: రోడ్డు ప్రమాదంలో గాయపడ్డ వ్యక్తి మృతి
రోడ్డు ప్రమాదంలో గాయపడ్డ వ్యక్తి మృతి చెందిన ఘటన కుబీర్ మండలంలో చోటుచేసుకుంది. భైంసా మండలం మిర్జాపూర్ సమీపంలో ఈ నెల 16న రెండు బైకులు ఎదురెదురుగా ఢీకొన్న ఘటనలో కుబీర్‌కు చెందిన సిందే సంతోష్ తలకు తీవ్రంగా గాయమైంది. కాగా నిజామాబాద్ ఆసుపత్రిలో చికిత్స పొందుతూ సంతోష్ ఆదివారం మృతి చెందాడని కుటుంబ సభ్యులు తెలిపారు. దీంతో గ్రామంలో విషాద ఛాయలు అలుముకున్నాయి.
Similar News
News February 24, 2025
బెల్లంపల్లి: 2 రోజులు మద్యం షాపులు బంద్
MLC ఎన్నికల నేపథ్యంలో ప్రభుత్వ ఆదేశాల మేరకు మంచిర్యాల జిల్లా వ్యాప్తంగా మద్యం దుకాణాల్లో మద్యం విక్రయాలు నిలిపివేయనున్నట్లు బెల్లంపల్లి ఎక్సైజ్ CIఇంద్ర ప్రసాద్ తెలిపారు. ఆయన మాట్లాడుతూ..ఈనెల 25వ తేదీ సాయంత్రం 4గంటల నుంచి 27వ తేదీ సాయంత్రం 4గంటల వరకు మద్యం షాపులు మూసివేస్తున్నట్లు పేర్కొన్నారు.
News February 24, 2025
అనకాపల్లి జాతరపై పవన్‌కు వినతి
ఉత్తరాంధ్ర ప్రజల ఆరాధ్య దైవం అనకాపల్లి నూకాంబిక అమ్మవారి జాతరను రాష్ట్ర పండగగా ప్రకటించాలని ఎమ్మెల్యే కొణతాల రామకృష్ణ విజ్ఞప్తి చేశారు. ఈ మేరకు డిప్యూటీ సీఎం పవన్ కళ్యాణ్‌కు ఆయన సోమవారం వినతిపత్రం అందజేశారు. కొత్త అమావాస్య సందర్భంగా నూకాంబికా అమ్మవారి జాతరకు రాష్ట్రం నలుమూలల నుంచి లక్షలాది మంది భక్తులు తరలివస్తారని పేర్కొన్నారు.
News February 24, 2025
అల్లూరి: రేపటి నుంచి వైన్ షాపులు క్లోజ్
ఎమ్మెల్సీ ఎన్నికల నేపథ్యంలో అల్లూరి జిల్లాలో వైన్ షాపుల మీద ఆంక్షలు విధించారు. ఈ నెల 25సాయంత్రం 5 గంటల నుంచి 27వ తేదీ సాయంత్రం 5 గంటల వరకు షాపులు మూసివేయాలని ఎక్సైజ్ శాఖ సూపరింటెండెంట్ సుధీర్ ఆదేశించారు. పాడేరు డివిజన్‌లో 22, రంపచోడవరంలో 10, చింతూరులో 8 దుకాణాలకు తమ సిబ్బంది సీలు వేస్తారని చెప్పారు. బెల్ట్ షాపుల్లో అమ్మకాలు జరిపితే చర్యలు తప్పవన్నారు.