News July 28, 2024

కృష్ణా: ప్రావిడెంట్ ఫండ్ వినియోగించే వారికి ముఖ్య గమనిక

గుడ్లవల్లేరులోని AANM & VVRSR పాలిటెక్నిక్ కాలేజీలో సోమవారం కృష్ణా జిల్లాలోని ప్రావిడెంట్ ఫండ్ వినియోగదారుల కోసం “ప్రావిడెంట్ ఫండ్ మీ ముంగిట” సమావేశం నిర్వహించనున్నారు. ఈ మేరకు సంబంధిత అధికారి శ్రీకాంత్ రెడ్డి ఒక ప్రకటన విడుదల చేశారు. ఈ సమావేశంలో భవిష్యనిధి పరిధిలోకి వచ్చే యజమానులు, ఉద్యోగులు, పింఛనుదారులు, వాటాదారులకు లభించే సేవలు, పథకాల గురించి అవగాహన కల్పిస్తామని ఆయన తెలిపారు.