News January 31, 2025
కృష్ణా యూనివర్సిటీలో స్పాట్ అడ్మిషన్లకు నోటిఫికేషన్
కృష్ణా యూనివర్సిటీలో బీ-ఫార్మసీ కోర్సులో స్పాట్ అడ్మిషన్లకు నోటిఫికేషన్ విడుదలైంది. ఏపీ ఈఏపీసెట్-2025 రాయని విద్యార్థులకు సైతం ఫిబ్రవరి 3న నిర్వహించే స్పాట్ అడ్మిషన్‌లో ప్రవేశాలు కల్పిస్తామని యూనివర్సిటీ వర్గాలు తెలిపాయి. స్పాట్ అడ్మిషన్ ఫీజు తదితర వివరాలకై విద్యార్థులు https://kru.ac.in/ అధికారిక వెబ్‌సైట్ చూడాలని సూచించాయి.
Similar News
News January 31, 2025
గుడివాడ: ఫైనాన్స్ వేధింపులతో ఆటో డ్రైవర్ ఆత్మహత్య
ప్రైవేట్ ఫైనాన్స్ కంపెనీ వేధింపులు తట్టుకోలేక గుడివాడ రూరల్ మండలం మోటూరు గ్రామానికి చెందిన రావి సత్తిబాబు (35) అనే ఆటో డ్రైవర్ ఉరి వేసుకొని చనిపోయాడు. గుడివాడలోని ఓ ప్రైవేట్ ఫైనాన్స్ కంపెనీ వద్ద రూ.7.80 లక్షల రుణం తీసుకున్నాడు. ప్రతినెల 5వ తేదీ వాయిదా చెల్లించవలసి ఉండగా ఈ నెల 25న ఫైనాన్స్ కంపెనీ సిబ్బంది ఒత్తిడి చేశారని, ఇంటికి వచ్చి అల్లరి చేశారని సూసైడ్ లెటర్ రాసి ఆత్మహత్యకు పాల్పడ్డాడు.
News January 31, 2025
HYDను గ్లోబల్ సిటీగా మార్చే మైలురాయి అదే!: మేయర్
సీఎం రేవంత్ రెడ్డి దావోస్ నుంచి తెచ్చిన రూ.1.78 లక్షల కోట్ల పెట్టుబడులు, HYD నగరాన్ని గ్లోబల్ సిటీగా మార్చే మైలురాయిగా GHMC మేయర్ గద్వాల విజయలక్ష్మి అభివర్ణించారు. ఈ పెట్టబడుల ద్వారా 49,500 మందికి ఉపాధి అవకాశాలు దక్కుతాయని పేర్కొన్నారు. గతం కంటే మించిన పెట్టుబడులు రావటం గర్వించదగ్గ విషయమని పేర్కొన్నారు.
News January 31, 2025
ఎంపీ బన్సూరి స్వరాజ్‌‌కు కృతజ్ఞతలు: ‘తండేల్’ నిర్మాత
ఎంపీ బన్సూరి స్వరాజ్‌‌కు ‘తండేల్’ సినిమా నిర్మాత బన్నీ వాస్ కృతజ్ఞతలు తెలిపారు. ఆమె తల్లి, కేంద్ర మాజీ మంత్రి సుష్మా స్వరాజ్ పేరును తమ సినిమాలో వాడుకునేందుకు అనుమతినిచ్చారని ట్వీట్ చేశారు. 2017, 2018లో పాకిస్థాన్ జైళ్లలో చిక్కుకున్న మత్స్యకారులను తిరిగి తీసుకురావడంలో సుష్మా స్వరాజ్ కీలక పాత్ర పోషించారని, అప్పటి నిజ జీవిత సంఘటనలను తమ మూవీలో చూపించినట్లు వాసు పేర్కొన్నారు.