News February 6, 2025
కోడేరులో వ్యక్తి ఉరేసుకుని ఆత్మహత్య
కోడేరు మండల కేంద్రంలోనికి చెందిన ఓ వ్యక్తి ఆత్మహత్యకు పాల్పడిన ఘటన బుధవారం రాత్రి జరిగింది. కుటుంబసభ్యుల కథనం మేరకు.. చిన్నరాజు రాత్రి తమతో కలిసి పడుకున్నాడని, తెల్లారెసరికి ఉరేసుకుని కనిపించటంతో వారు చుట్టపక్కల వారిని పిలిచారు. స్థానికులు మృతదేహాన్ని కిందికి దించారు. ఆర్థిక ఇబ్బందులే కారణమని తెలుస్తోంది. మృతుడికి భార్య కళమ్మ, కూతురు, కుమారుడు ఉన్నారు. పూర్తి వివరాలు తెలియాల్సి ఉంది.
Similar News
News December 14, 2025
నల్గొండ: ‘గెలుపే లక్ష్యం.. ప్రలోభాల పర్వం’
జిల్లాలో మొదటి విడత పోలింగ్ ఫలితాలను అనుభవంగా తీసుకుంటూ, రెండో విడతలో ఎలాగైనా గెలుపే లక్ష్యంగా మిర్యాలగూడ నియోజకవర్గ సర్పంచ్, వార్డుమెంబర్ అభ్యర్థులు ముందుకెళ్తున్నారు. 10 మండలాల్లోని అభ్యర్థులు వ్యూహాలు రచిస్తూ, పోలింగ్కు ముందురోజు రాత్రి నుంచి ఓటర్లను ఆకర్షించే పనిలో నిమగ్నమయ్యారని ప్రజలు అంటున్నారు. ప్రజాస్వామ్య పండగగా ఉండాల్సిన ఎన్నికలు డబ్బు, గిఫ్టుల పోటీగా మార్చేశారని ఆరోపిస్తున్నారు.
News December 14, 2025
21న నింగిలోకి ‘బ్లూబర్డ్-6’ శాటిలైట్
AP: కీలకమైన వాణిజ్య ప్రయోగానికి ISRO సిద్ధమవుతోంది. USకు చెందిన 6,500KGల కమ్యూనికేషన్ శాటిలైట్ బ్లూబర్డ్-6ను శ్రీహరికోట నుంచి ఈ నెల 21న ప్రయోగించనుంది. బాహుబలి రాకెట్ LVM3-M6 ద్వారా నింగిలోకి పంపనుంది. ఈ ఉపగ్రహం 10రెట్ల అధిక డేటా సామర్థ్యంతో పనిచేస్తుందని సైంటిస్టులు తెలిపారు. కాగా ఈ నెల 31న PSLV C-62 ప్రయోగాన్ని నిర్వహించేందుకు ISRO ఏర్పాట్లు చేస్తోంది. 10 రోజుల్లో 2 ప్రయోగాలు చేయనుండటం విశేషం.
News December 14, 2025
లంపిీ స్కిన్ నివారణకు ఆయుర్వేద మందు
ఆయుర్వేద మందుతో లంపిీ స్కిన్ నుంచి పశువును కాపాడవచ్చు. ఒక మోతాదు మందు కోసం 10 తమలపాకులు, 10 గ్రా. మిరియాలు, 10 గ్రా. ఉప్పు, 100 గ్రాముల బెల్లం తీసుకొవాలి. తమలపాకులు, మిరియాలు, ఉప్పు, కలిపి మెత్తని మిశ్రమంలాగా చేసుకోవాలి. దీన్ని బెల్లంతో కలిపి లడ్డులాగా చేసి మొదటి రోజు ప్రతి మూడు గంటలకు ఒకసారి తాజాగా చేసి ఒక మోతాదును తినిపించాలి. రెండవ రోజు నుంచి రోజుకు మూడుసార్లు, ఇలా వారం రోజుల వరకు తినిపించాలి.