News January 11, 2025
కౌతాళం మండలంలో మహిళ హత్య
కర్నూలు జిల్లా కౌతాళం మండలంలో దారుణ హత్య జరిగింది. కర్ణాటక సరిహద్దు సుళేకేరి గ్రామానికి చెందిన బసమ్మ (52)కు భర్త కురువ మారెప్ప మృతి చెందడంతో ఒంటరిగా జీవిస్తోంది. ఆమె శుక్రవారం ఉదయం ఉచిత గ్యాస్ కోసం హచ్చోళ్లికి బయలుదేరగా మురవణి గ్రామ పొలాల్లో హత్యకు గురైంది. దుండగులు గొంతుకోసి హత్య హత్యచేసినట్లు సమాచారం. ఘటనపై కర్ణాటక పోలీసులు కేసు నమోదు చేసి దర్యాప్తు చేపట్టారు. హత్యకు కారణాలు తెలియాల్సి ఉంది.
Similar News
News January 11, 2025
కర్నూలుకు చేరుకున్న పవన్ కళ్యాణ్
డిప్యూటీ సీఎం పవన్ కళ్యాణ్ కర్నూలుకు చేరుకున్నారు. ఆయనకు అధికారులు, ప్రజాప్రతినిధులు స్వాగతం పలికారు. అనంతరం అక్కడి నుంచి పిన్నాపురం గ్రీన్ కో ప్రాజెక్టు పరిశీలనకు బయలుదేరారు. మొత్తం ప్రాజెక్టును ఏరియల్ వ్యూ ద్వారా పరిశీలించనున్నారు. కాగా పిన్నాపురం గ్రీన్ కో పవర్ ప్రాజెక్ట్ ఆసియాలోనే అతి పెద్దది.
News January 11, 2025
పోరాట వీరుడు!
నేడు వడ్డే ఓబన్న జయంతి. ఈయన ఉయ్యాలవాడ నరసింహారెడ్డికి నమ్మిన బంటు. ముఖ్య అనుచరుడిగా ఉంటూ ఉద్యమాలకు ఊపిరిపోశారు. ఓబన్న సంజామల మండలం నొస్సం గ్రామానికి చెందిన వడ్డె సుబ్బయ్య, సుబ్బమ్మ దంపతులకు 1807 జనవరి 11న జన్మించారు. నరసింహారెడ్డి తాతది ఇదే గ్రామం కావడంతో ఇరు కుటుంబాలకూ సంబంధాలు ఉండేవి. 1846 అక్టోబరు 6న బ్రిటిష్‌ వారితో పోరాటంలో ఓబన్న 39ఏళ్లకే వీరమరణం పొందారు. ఆ తర్వాత నరసింహారెడ్డిని ఉరితీశారు.
News January 11, 2025
నేడు కర్నూలు జిల్లాలో పవన్ కళ్యాణ్ ఏరియల్ వ్యూ
డిప్యూటీ సీఎం పవన్ కళ్యాణ్ నేడు కర్నూలు జిల్లాలో పర్యటించనున్నారు. ఉదయం 11.30 గంటలకు కర్నూలు ఎయిర్‌పోర్ట్‌కు చేరుకుంటారు. అక్కడి నుంచి హెలికాఫ్టర్‌లో పిన్నాపురం వద్ద రూ.15 వేల కోట్లతో 5,230 మెగావాట్ల సామర్థ్యంతో నిర్మాణంలో ఉన్న గ్రీన్‌కో రెన్యువబుల్ ఎనర్జీ ప్రాజెక్టును ఏరియల్ వ్యూ ద్వారా పరిశీలిస్తారు. కాగా ఆసియాలోనే అతిపెద్ద ప్రాజెక్టుగా పిన్నాపురం ఎనర్జీ ప్రాజెక్టు దేశ చరిత్రలో నిలిచిపోనుంది.