News January 26, 2025
గణతంత్ర వేడుకలకు ముస్తాబైన నెల్లూరు కలెక్టరేట్
76వ గణతంత్ర వేడుకలకు నెల్లూరు కలెక్టరేట్ ముస్తాబైంది. త్రివర్ణ పతాక రంగులతో అలంకరించిన విద్యుత్ దీపాలంకరణలతో వెలిగిపోతున్నది. గణతంత్ర వేడుకల సందర్భంగా నెల్లూరు పోలీస్ పరేడ్ గ్రౌండ్లో గిరిజన సంక్షేమ శాఖ, ఐసీడీఎస్, ఇతర ప్రభుత్వ శాఖల పథకాలకు సంబంధించిన అంశాలను ప్రదర్శించేందుకు అవసరమైన ఏర్పాట్లు చేశారు. నేడు నెల్లూరులో గణతంత్ర వేడుకలు ఘనంగా నిర్వహించనున్నారు.
Similar News
News January 27, 2025
నెల్లూరు పోలీస్ గ్రీవెన్స్‌కు 80 అర్జీలు
పోలీసు ప్రజా ఫిర్యాదుల పరిష్కార వేదిక కార్యక్రమం ద్వారా వచ్చిన అర్జీలను విచారించి చట్టపరంగా న్యాయం చేస్తామని SP జి. కృష్ణ కాంత్ తెలిపారు. సోమవారం జిల్లా నలుమూలల నుంచి 80 ఫిర్యాదులు అందాయని, వాటి పరిష్కారానికి ఆయా పోలీస్ స్టేషన్ పరిధిలో దర్యాప్తు చేపట్టాలని అధికారులను ఆదేశించారు. ఆన్‌లైన్ మోసాలు, రోజురోజుకు పెరుగుతున్న సైబర్ నేరాల పట్ల ప్రజలు అప్రమత్తంగా ఉండాలని సూచించారు.
News January 27, 2025
నెల్లూరులో దారుణ హత్య.. అసలు కారణం ఇదే.!
నెల్లూరు నగరంలోని జాకీర్ హుస్సేన్ కాలనీలో 25వ తేదీన మహబూబ్ బాషా అనే వ్యక్తి దారుణ హత్యకు గురైన సంగతి తెలిసిందే. ఈ కేసులో షాహిద్ అనే నిందితుడిని నవాబుపేట పోలీసులు సోమవారం అరెస్ట్ చేశారు. ఈ సందర్భంగా సీఐ అన్వర్ బాషా మాట్లాడుతూ.. మహబూబ్ బాషా కూతురును ఇచ్చి వివాహం చేయకపోవడంతో ఆ విషయాన్ని మనసులో పెట్టుకొని షాహిద్ మహబూబ్ బాషాను హత్య చేసినట్లు తెలిపారు.
News January 27, 2025
నెల్లూరు: వాహనం ఢీకొని చిరుత మృతి
నెల్లూరు జిల్లా మర్రిపాడు మండలం సింగనపల్లి అటవీ ప్రాంతం వద్ద గుర్తుతెలియని వాహనం ఢీకొని చిరుత మృతి చెందింది. సోమవారం తెల్లవారుజామున విజయవాడ జాతీయ రహదారిపైకి వచ్చిన చిరుతను గుర్తుతెలియని వాహనం ఢీకొట్టింది. తీవ్ర గాయాలతో గంటపాటు ప్రాణాలతో చిరుత కొట్టుమిట్టాడిందని పలువురు వాపోయారు. చిరుతను కాపాడేందుకు దగ్గరికి వెళ్లేందుకు వాహనదారులు సాహసం చేయలేకపోయారు.