News November 20, 2024
చంద్రబాబు అరెస్ట్‌కు కుట్ర: MLA కోటం రెడ్డి
CMపైనే కుట్రలు జరుగుతుంటే సామాన్యుల పరిస్థితి ఏంటని అసెంబ్లీలో MLA కోటంరెడ్డి శ్రీధర్ రెడ్డి నిలదీశారు. ఓ పత్రికలో వచ్చిన కథనాన్ని ఆయన ప్రస్తావిస్తూ.. చంద్రబాబు అరెస్ట్‌కు వైసీపీ హయాంలో పెద్ద కుట్రే జరిగిందని ఆరోపించారు. తక్షణమే దీనిపై స్పందించాలని ఆయన డిమాండ్ చేశారు. డిప్యూటీ స్పీకర్ RRR స్పందిస్తూ.. ఇది జీరో అవర్ అని.. ఇక్కడ సమాధానాలు ఉండవన్నారు. దీనిపై తరువాత చర్చిద్దాం అంటూ ఆయన తెలిపారు.
Similar News
News January 31, 2025
గూడూరు: ‘సారీ.. చైతూ బావ’ అంటూ సూసైడ్
‘చైతూ బావ.. నా కోసం ఏదైనా చేస్తాను అన్నావుగా.. నీకు పుట్టే బిడ్డకు నా పేరు పెట్టు.. నాకు మీరు చూడగానే నచ్చారు. కానీ నా జ్ఞాపకాలు మీతో విడిచి వెళ్లిపోతున్నా.. సారీ..’ అని రాసి ఓ యువతి సూసైడ్ చేసుకుంది. డిసెంబర్ 14న నిశ్చితార్థం కాగా..ఇవాళ బంధువుల అబ్బాయితో పెళ్లి జరగాల్సి ఉంది. ఏం జరిగిందో తెలియదు గానీ గూడూరు సమీపంలోని పంపలేరులో నిన్న మృతి చెందింది. దీంతో ఆ కుటుంబంలో విషాదఛాయలు అలముకున్నాయి.
News January 31, 2025
మంత్రిపై అసభ్య పోస్టు.. కావలిలో కేసు నమోదు
కావలి రెండో పట్టణ పోలీసు స్టేషన్లో టీడీపీ జిల్లా కార్యనిర్వహక కార్యదర్శి చంద్రశేఖర్ పలువురు టీడీపీ నేతలతో కలిసి ఫిర్యాదు చేశారు. దుండి శివు 42 ఖాతా నుంచి X లో రాష్ట్ర ఐటీ, విద్యాశాఖ మంత్రి నారా లోకేశ్‌పై అసభ్య పోస్టులు పెడుతున్నట్లు ఫిర్యాదులో పేర్కొన్నారు. సీఐ గిరిబాబుకి ఫిర్యాదు చేయగా.. ఆయన ఆదేశాలతో ఎస్ఐ కేసు నమోదు చేసి దర్యాప్తు చేస్తున్నారు.
News January 31, 2025
కోట: అన్నను చంపిన తమ్ముడు
అన్నను తమ్ముడు హత్య చేసిన ఘటన కోట మండలంలో చోటు చేసుకుంది. కోట(M), జరుగుమల్లి గమళ్లపాళెంకు చెందిన కోటయ్య(46), మస్తానయ్య అన్నదమ్ములు. వీరు పక్కపక్కనే నివాసాలు ఉంటున్నారు. మస్తానయ్య భార్య గుడ్డలు ఉతికే క్రమంలో మురికినీరు అన్న కోటయ్య వాకాలిలోకి వెళ్లడంతో ఇద్దరు భార్యలు గొడవ పడ్డారు. ఈక్రమంలో కోటయ్య మస్తానయ్యపై దాడి చేయగా..తిరిగి మస్తానయ్య దాడి చేయడంతో కోటయ్య మృతి చెందాడు.