News June 24, 2024
జంగారెడ్డిగూడెం: పవన్ కళ్యాణ్‌ను తిట్టారు.. కేసు ఫైల్
పవన్‌ను దూషించిన వారిపై కేసునమోదైన ఘటన జంగారెడ్డిగూడెం మండలంలో జరిగింది. లక్కవరం ఎస్సై సుధీర్ తెలిపిన వివరాల ప్రకారం.. పుట్లగట్లగూడెం గ్రామంలో వైసీపీ మండలాధ్యక్షుడు వామిశెట్టి హరిబాబు, మరో ముగ్గురు స్థానిక పాఠశాల సమీపంలో పవన్‌కళ్యాణ్‌పై దూషణలకు పాల్పడ్డారు. ఈ విషయాన్ని జనసేన నాయకుడు కంచర్ల మణికంఠ స్వామి గమనించి పోలీసులకు ఫిర్యాదుచేశాడు. దీంతో ఆ నలుగురిపై కేసు నమోదుచేశామన్నారు.
Similar News
News November 28, 2024
ఏలూరు: DSC అభ్యర్థులకు శుభవార్త
ఏలూరు జిల్లాలో DSC పరీక్షకు హాజరయ్యే మైనారిటీ అభ్యర్థులకు ఉచిత శిక్షణ అందిస్తామని జిల్లా మైనారిటీ సంక్షేమ అధికారి కృపావరం బుధవారం తెలిపారు. అర్హులైన విద్యార్థులు www.apcedmmwd.org వెబ్ సైట్ లో డిసెంబర్ 12 లోగ దరఖాస్తు చేయాలన్నారు. దరఖాస్తును ఆఫీస్ అఫ్ ది డైరెక్టర్, సెంటర్ ఫర్ ఎడ్యుకేషనల్ డెవలప్మెంట్ అఫ్ మైనారిటీస్ భవానీపురం విజయవాడకు పంపాలన్నారు. > shareit
News November 28, 2024
ఏలూరు: ఫెంగల్ తుఫాన్.. కంట్రోల్ రూమ్ ఏర్పాటు
ఫెంగల్ తుఫాన్ నేపథ్యంలో అధికారులు, సిబ్బందిని అప్రమత్తం చేశామని జిల్లా విద్యుత్ శాఖ పర్యవేక్షక ఇంజనీర్ సాల్మన్ రాజు బుధవారం తెలిపారు. ఆయన మాట్లాడుతూ.. ఎటువంటి విపత్కర పరిస్థితులు ఎదురైనా ఎదుర్కొనేందుకు శాఖ పరంగా సిద్ధంగా ఉన్నారన్నారు. ఏలూరు విద్యుత్ భవన్ నందు 24 గంటలు పనిచేసే విధంగా నెం. 9440902926 తో కంట్రోల్ రూమ్ ఏర్పాటు చేసామన్నారు. కావున ప్రజలు ధైర్యంగా ఉండాలన్నారు.
News November 27, 2024
ప్రతి ధాన్యం గింజనూ కొనుగోలు చేస్తాం: జేసీ
తుఫాను భయంతో ముందస్తు కోతలు, నూర్పిడి చేయొద్దని జాయింట్ కలెక్టర్ పి.ధాత్రిరెడ్డి రైతులకు సూచించారు. రైతులు పండించిన ప్రతి ధాన్యం గింజనూ కొనుగోలు చేస్తామని భరోసానిచ్చారు. జిల్లా బుధవారం జిల్లాలోని మండవల్లి, ముదినేపల్లి మండలాల్లో ధాన్యం కొనుగోలు కేంద్రాలను ఆమె పరిశీలించారు. తుఫాను హెచ్చరికల విషయమై రైతులెవరూ ఆందోళన చెందవద్దని చెప్పారు. రైతులకు అండగా ఉండాలని అధికారులకు సూచించారు.