News April 7, 2025
జగన్ పర్యటనను అడ్డుకుంటాం: MRPS
మాజీ సీఎం వైఎస్ జగన్ రాప్తాడు నియోజకవర్గ పర్యటనను అడ్డుకుంటామని MRPS క్రమశిక్షణ కమిటీ ఛైర్మన్ బీసీఆర్ దాస్ హెచ్చరించారు. ఎస్సీ వర్గీకరణ బిల్లుకు మద్దతు ఇచ్చిన తర్వాతే జిల్లా పర్యటనకు రావాలని స్పష్టం చేశారు. మండలిలో ఈ బిల్లుకు మద్దతు ఇవ్వలేదని ఆయన మండిపడ్డారు. తమ నేతలతో కలిసి జగన్ పాపిరెడ్డి పర్యటనను అడ్డుకుంటామని ప్రకటన విడుదల చేశారు.
Similar News
News April 12, 2025
నేడే రిజల్ట్.. అనంతపురం విద్యార్థుల్లో ఉత్కంఠ
ఇంటర్ ఫలితాల విడుదలకు సర్వం సిద్ధమైంది. ఇవ్వాళ ఉదయం 11 గంటలకు ఫలితాలు విడుదల కానున్నాయి. అనంతపురం జిల్లాలో ఫస్టియర్ 25,730 మంది, సెకండియర్ 22,960 మంది విద్యార్థులు ఉన్నారు. మార్చి 1 నుంచి 20వ తేదీ వరకు పరీక్షలు జరిగిన విషయం తెలిసిందే.
☞ వే2న్యూస్ యాప్‌లోనూ ఫలితాలు చెక్ చేసుకోవచ్చు.
News April 12, 2025
అనంత: బాలికపై అత్యాచారం.. నిందితుని అరెస్ట్
12 ఏళ్ల చిన్నారిపై ఓ కామాంధుడు అత్యాచారం చేసిన సంఘటన నార్పల మండల కేంద్రంలో చోటుచేసుకుంది. మైనర్ బాలికకు రక్తస్రావం కావడంతో ఆ చిన్నారిని హుటాహుటిన అనంతపురం సర్వజన ఆసుపత్రికి తరలించినట్టు ఆమె కుటుంబ సభ్యులు తెలిపారు. బాధితురాలు కుటుంబ సభ్యుల ఫిర్యాదు మేరకు నిందితున్ని అదుపులోకి తీసుకున్నట్లు డీఎస్పీ వెంకటేశ్వర్లు, సీఐ కౌలుట్లయ్య, ఎస్ఐ సాగర్ తెలిపారు.
News April 12, 2025
అనంత: 477 మంది లబ్ధిదారులకు మెగా చెక్ పంపిణీ
2024-25 ఆర్థిక సంవత్సరంలో అనంతపురం జిల్లాలో స్వయం ఉపాధి పథకానికి 477 మంది లబ్ధిదారులు ఎంపిక అయినట్లు జిల్లా కలెక్టర్ వినోద్ శుక్రవారం తెలిపారు. 477 మందికి రూ.11.61 కోట్ల మెగా చెక్కును ఎంపీ అంబికా నారాయణ, జిల్లా కలెక్టర్ వినోద్ కుమార్ అందజేశారు. స్వయం ఉపాధి పథకానికి సంబంధించి మండలాల వారిగా లబ్ధిదారులను ఎంపిక చేసి, చెక్కులు అందించాలని సంబంధిత అధికారులకు జిల్లా కలెక్టర్ వినోద్ కుమార్ ఆదేశించారు.