News March 29, 2025
జగిత్యాల జిల్లాలో 7 పోలీస్ స్టేషన్ల అప్‌గ్రేడేషన్‌కు గ్రీన్ సిగ్నల్
జగిత్యాల జిల్లాలోని జగిత్యాల టౌన్, జగిత్యాల రూరల్, రాయికల్, ధర్మపురి, కోరుట్ల, మెట్పల్లి, మల్యాల పోలీస్ స్టేషన్ల అప్‌గ్రేడేషన్‌కు రాష్ట్ర ప్రభుత్వం ఆమోదం తెలిపింది. ప్రజలకు నాణ్యమైన, మెరుగైన సేవలు అందించేందుకు, క్రైమ్ రేట్ తగ్గించడానికి పోలీసు శాఖ చర్యలు చేపడుతుంది. జనాభా ప్రాతిపదికన అప్‌గ్రేడ్ చేయనున్నారు. అంతేకాకుండా భీమారం, ఎండపల్లి కొత్త మండలాల్లో పోలీస్ స్టేషన్‌లను నిర్మించనున్నారు.
Similar News
News April 2, 2025
సిరిసిల్ల: సర్దార్ పాపన్న పోరాటం మరువలేనిది: కలెక్టర్
బహుజనుల కోసం సర్దార్ సర్వాయి పాపన్న గౌడ్ చేసిన పోరాటం మరువలేనిదని సిరిసిల్ల కలెక్టర్ సందీప్ కుమార్‌ఝా అన్నారు. సిరిసిల్ల పట్టణంలోని కలెక్టరేట్లో సర్ధార్ వర్ధంతి సందర్భంగా ఆయన చిత్రపటానికి పూలమాలవేసి నివాళులర్పించారు. అనంతరం కలెక్టర్ మాట్లాడుతూ.. ఆయన చేసిన పోరాటం చరిత్రలో ఎప్పటికీ నిలిచిపోతుందని స్పష్టం చేశారు.
News April 2, 2025
అనంతపురం జిల్లాలో HM సస్పెండ్
అనంతపురం జిల్లా ఆత్మకూరు ZPHS హెచ్‌ఎం శ్రీనివాస్ ప్రసాద్‌పై పాఠశాల విద్య కడప RJD శామ్యూల్ మంగళవారం సస్పెండ్ చేశారు. వివరాల్లోకి వెళితే.. ఆత్మకూరు ZPHSలో పరీక్ష రాసేందుకు 10th విద్యార్థిని వెళ్లింది. పరీక్ష జరిగే సమయంలో ఆ విద్యార్థిని ప్రశ్నాపత్రం మిస్ అయిందని చెప్పగా.. చీఫ్ సూపరింటెండెంట్ శ్రీనివాస్ ఆమెను భుజంపై కర్రతో కొట్టారు. దీంతో విద్యార్థిని కాలర్ బౌన్ విరిగగా ఆయనను సస్పెండ్ చేశారు.
News April 2, 2025
HCU భూములపై NGTలో ఫిర్యాదు
హైదరాబాద్ HCU భూముల వేలంపాట అంశం నేషనల్ గ్రీన్ ట్రిబ్యునల్ (NGT)కు చేరింది. వేలం పాట అనైతికం అని న్యాయవాది కారుపోతుల రేవంత్ చెన్నైలోని NGTలో ఫిర్యాదు చేశారు. వేలంపాటను అడ్డుకుని పర్యావరణాన్ని కాపాడాలని కోరారు. నగరానికి కాలుష్యం నుంచి ఉపశమనం కలిగిస్తున్న ఇలాంటి ప్రాంతాలను నాశనం చేయడం సరికాదన్నారు. మరోవైపు ఈ అంశంపై ఇవాళ హైకోర్టులో విచారణ జరగనుంది.