News October 31, 2024
జూనియర్ అసిస్టెంట్ను సస్పెండ్ చేసిన కలెక్టర్
రెవెన్యూ శాఖకు సంబంధించిన ఆర్డీవో కార్యాలయంలో జూనియర్ అసిస్టెంట్గా పనిచేస్తున్న శ్రావణ్ని కలెక్టర్ సస్పెండ్ చేశారు. బాణసంచా దుకాణాల పర్మిషన్స్, రెన్యువల్ తదితర అంశాలకు సంబంధించి అవకతవకలకు పాల్పడ్డారన్న ఆరోపణలపై కలెక్టర్ ఆనంద్ సస్పెండ్ చేశారు. జిల్లాలోని కొంతమంది బాణాసంచా దుకాణాల యజమానులు కలెక్టర్, ఆర్డీవోల పనితీరుపై హర్షం వ్యక్తం చేశారు.
Similar News
News October 31, 2024
చిన్నారికి నామకరణం చేసిన సోమిరెడ్డి
నెల్లూరు నగర పరిధిలోని అల్లీపురానికి చెందిన ఓ మహిళకు గురువారం పురిటినొప్పులు వచ్చాయి. 108 అంబులెన్స్కి సమాచారం ఇచ్చిన కుటుంబసభ్యులు ఆమెను తీసుకుని ఆటోలో ఎదురెళ్లారు. సర్వేపల్లి ఎమ్మెల్యే సోమిరెడ్డి నివాసం వద్ద ఆటోలో నుంచి అంబులెన్స్లోకి ఎక్కించి అక్కడే ప్రసవం చేశారు. సోమిరెడ్డితో పాటు ఆయన కోడలు శృతిరెడ్డి చిన్నారిని ఎత్తుకున్నారు. దీపావళి నాడు పుట్టిన చిన్నారికి ‘సంతోషి’గా నామకరణం చేశారు.
News October 31, 2024
కావలిలో విషాదం.. తల్లి, కూతురు దుర్మరణం
కావలిలోని రాజావీధిలో నివాసం ఉంటున్న గార్నపూడి శిరీష, ఆమె తల్లి నత్తల వజ్రమ్మను రైలు ఢీ కొట్టడంతో ఇద్దరూ మృతి చెందారు. ఈ తెల్లవారు జామున తల్లి వజ్రమ్మను విజయవాడ ప్యాసింజరు ఎక్కించేందుకు శిరీష కావలి రైల్వే స్టేషన్కు వెళ్లారు. 3వ ప్లాట్ ఫారం వజ్రమ్మ ఎక్కలేక పోయారు. తల్లిని పట్టాలు దాటించేందుకు శిరీష ప్రయత్నించగా అప్పటికే వేగంగా వచ్చిన కోయంబత్తూరు ఎక్స్ ప్రెస్ రైలు ఇద్దరిని ఢీ కొట్టింది.
News October 31, 2024
YSపై మంత్రి ఆనం సంచలన వ్యాఖ్యలు
ఆస్తుల గొడవలతో పెద్దాయన(YSR) చరిత్రను నాశనం చేసేలా సొంత వారే ప్రవర్తిస్తున్నారని మంత్రి ఆనం రామనారాయణ రెడ్డి అన్నారు. ఒంగోలులో ఆయన మాట్లాడుతూ.. ‘YSR ఉన్నప్పుడే జగన్ రూ. లక్ష కోట్ల సంపాదించారనే ఆరోపణలు ఉన్నాయి. ఈ దోపిడీలో వైఎస్ భాగస్వామ్యం ఎంతనేది ఆలోచించాలి. వైఎస్ అక్రమ సంపాదనను ప్రజలకు పంచిపెట్టాలి. ఇది కేంద్రం లేదా రాష్ట్ర ప్రభుత్వం చేస్తుందో చెప్పాలి’ అని ఆనం డిమాండ్ చేశారు.