News January 3, 2025
డిచ్పల్లి: 463 మంది కానిస్టేబుళ్ల పాసింగ్ అవుట్ పరేడ్
డిచ్పల్లిలోని తెలంగాణ ప్రత్యేక పోలీస్ 7వ బెటాలియన్లో శుక్రవారం 463 మంది SCTPCs (TGSP)లకు 2024 “దీక్షాంత్ పరేడ్ (పాసింగ్ అవుట్ పరేడ్)” ఘనంగా నిర్వహించారు. ఈ కార్యక్రమానికి ముఖ్య అతిథిగా జిల్లా ఇన్‌ఛార్జి పోలీస్ కమిషనర్ సి.హెచ్. సింధూ శర్మ హజరయ్యారు. 9 నెలల శిక్షణలో నేర్చుకున్నది శాంతిభద్రతల పరిరక్షణకు ఉపయోగించాలని ఆమె సూచించారు. కమాండెంట్ పి.సత్యనారయణ తదితరులు పాల్గొన్నారు.
Similar News
News January 7, 2025
NZB: ఉమ్మడి జిల్లాలో తగ్గిన చలి తీవ్రత
ఉమ్మడి NZB జిల్లాలో చలి తీవ్రత కాస్త తగ్గింది. కామారెడ్డి జిల్లాలో అత్యల్పంగా జుక్కల్ 11.5, డోంగ్లి , 11.9, గాంధారి 12.0, మేనూర్ 12.4, లచ్చపేట్ 13.0 డిగ్రీల సెల్సియస్ నమోదు అయింది. కాగా నిజామాబాద్ జిల్లాలో అత్యల్పంగా నిజామాబాద్ నార్త్ 13.7, నిజామాబాద్ సౌత్ 14.0, జానకంపేట్ 14.3, ఏర్గట్ల 14.4, తూంపల్లి 14.5, చందూర్ 14.5 డిగ్రీల సెల్సియస్ ఉష్ణోగ్రతలు నమోదయ్యాయని హైదరాబాద్ వాతావరణ శాఖ తెలిపింది.
News January 7, 2025
బాన్సువాడ: KTR అబద్దపు ప్రచారాలు చేస్తున్నాడు: జూపల్లి
స్థానిక సంస్థల ఎన్నికల్లో లబ్ధి పొందేందుకు కేటీఆర్ అబద్దపు ప్రచారాలు చేస్తున్నారని మంత్రి జూపల్లి కృష్ణారావు అన్నారు. బాన్సువాడ పట్టణంలో మంగళవారం ఆయన మాట్లాడారు. బీఆర్ఎస్ మళ్లీ అధికారంలోకి రావడం కలేనని అన్నారు. పదేళ్లలో బీఆర్ఎస్ ప్రభుత్వం రూ.8 లక్షల కోట్ల అప్పు చేసిందని విమర్శించారు. సమావేశంలో ఎమ్మెల్యే పోచారం శ్రీనివాస్ రెడ్డి, ఆగ్రో ఛైర్మన్ కాసుల బాలరాజు ఉన్నారు.
News January 7, 2025
NZB: కాంగ్రెస్ రాష్ర్ట వ్యవహారాల ఇన్‌ఛార్జి దీపాదాస్ మున్షీ రాక
నిజామాబాద్ పార్లమెంట్ స్థాయి కాంగ్రెస్ పార్టీ విస్తృత సమావేశం మంగళవారం మధ్యాహ్నం డిచ్పల్లిలో నిర్వహించనున్నట్లు జిల్లా కాంగ్రెస్ అధ్యక్షుడు మానాల మోహన్ రెడ్డి తెలిపారు. ఈ సమావేశానికి ముఖ్య అతిథులుగా పీసీసీ చీఫ్ మహేష్ కుమార్ గౌడ్, కాంగ్రెస్ పార్టీ రాష్ట్ర వ్యవహారాల ఇన్‌ఛార్జి దీపాదాస్ మున్షీ, జిల్లా ఇన్‌ఛార్జి మంత్రి జూపల్లి కృష్ణారావు హాజరు కానునున్నట్లు వివరించారు.