News January 8, 2025
డిచ్పల్లి: ఓట్లు వేసేది ప్రజలు.. ఓట్లు వేయించేది మీరు: మంత్రి జూపల్లి
ఓట్లు వేసేది ప్రజలు.. ఓట్లు వేయించేది కార్యకర్తలు, నాయకులు అని నిజామాబాద్ జిల్లా ఇంచార్జి మంత్రి జూపల్లి కృష్ణారావు అన్నారు. పార్లమెంట్ నియోజకవర్గ కాంగ్రెస్ పార్టీ సమీక్ష సమావేశంలో ఆయన మాట్లాడుతూ పార్టీ శ్రేణులు నిరాశ, నిస్పృహలకు లోనుకావద్దన్నారు. రాష్ట్రంలో కాంగ్రెస్ ప్రభుత్వం అమలు చేస్తున్న పథకాలు, గత BRS ప్రభుత్వ అవినీతిని ప్రజలకు విడమరిచి చెప్పాలని, స్థానిక ఎన్నికల్లో విజయం సాధించాలని కోరారు.
Similar News
News January 9, 2025
కామారెడ్డి: కొడుకును కాపాడటానికి వచ్చి తండ్రి మృతి
కొడుకును కాపాడటానికి వెళ్లిన తండ్రి రైలు ప్రమాదంలో మృతి చెందిన ఘటన రామాయంపేట మండలం అక్కన్నపేట రైల్వే స్టేషన్ సమీపంలో జరిగింది. కామారెడ్డి జిల్లా బాగిర్తి పల్లికి చెందిన పెద్ద నర్సింలు కుమారుడు మంగళవారం రాత్రి రైలు కిందపడి ఆత్మహత్య చేసుకుంటానని చెప్పడంతో అతడిని వెతుక్కుంటూ వెళ్లాడు. ఈ క్రమంలో నర్సింలును రైలు ఢీకొనడంతో మృతి చెందాడు. రైల్వే పోలీసులు కేసు నమోదు చేసి దర్యాప్తు చేస్తున్నారు.
News January 9, 2025
కోటగిరి: రెండు బైకులు ఢీ ఒకరు మృతి
కోటగిరి నుంచి ఎత్తోండ వెళ్లే రోడ్డుపై బుధవారం రెండు బైకులు ఢీ కొనడంతో లక్ష్మణ్(55) అనే వ్యక్తి అక్కడికక్కడే మృతి చెందాడు. లక్ష్మణ్ తన పొలం నుంచి కోటగిరికి తిరిగి వెళ్తుండగా మరో వ్యక్తి కోటగిరి నుంచి ఎత్తోండ వెళ్లే క్రమంలో ఈ ప్రమాదం చోటు చేసుకుంది. ఎత్తోండకు చెందిన వ్యక్తికి గాయాలవడంతో 108 అంబులెన్సులో ఆసుపత్రికి తరలించారు. ఘటన స్థలాన్ని ఎస్ఐ సందీప్ సందర్శించి వివరాలను సేకరించారు.
News January 9, 2025
NZB: రైలు ఢీకొని గుర్తుతెలియని వ్యక్తి మృతి
నిజామాబాద్ నగర శివారులో రైలు ఢీకొని గుర్తు తెలియని వ్యక్తి మృతి చెందినట్లు రైల్వే ఎస్ఐ సాయి రెడ్డి తెలిపారు. నిజామాబాద్-జాన్కంపేట రైల్వే స్టేషన్ పరిధిలోన బుధవారం సాయంత్రం రైలు పట్టాలు దాటుతుండగా రైలు ఢీకొట్టడంతో అతను అక్కడికక్కడే మృతి చెందాడు. మృత దేహాన్ని పంచనామా నిమిత్తం మార్చురీకి తరలించినట్లు పోలీసులు తెలిపారు. కేసు నమోదు చేసి దర్యాప్తు చేపట్టినట్లు రైల్వే ఎస్ఐ సాయిరెడ్డి వివరించారు.