News December 29, 2024
త్వరలో FM ఛానెల్: ‘హైడ్రా’ కమిషనర్ రంగనాథ్
తాము ఇప్పటివరకు 8 చెరువులు, 12 పార్కులతో సహా 200 ఎకరాల ప్రభుత్వ భూమిని కాపాడామని ‘హైడ్రా’ కమిషనర్ రంగనాథ్ తెలిపారు. “సాంకేతిక పరిజ్ఞానంతో చెరువులకు సరిహద్దులు, బఫర్ జోన్లు నిర్ణయిస్తున్నాం. హైడ్రా తరఫున త్వరలోనే FM ఛానెల్ పెట్టేందుకు ప్లాన్ చేస్తున్నాం. దాని ద్వారా ప్రజలకు ఎప్పటికప్పుడు వాతావరణ సమాచారం తెలిపేందుకు వీలుంటుంది” అని రంగనాథ్ తెలిపారు. హైడ్రాకు 5,800 ఫిర్యాదులు అందాయన్నారు.
Similar News
News January 2, 2025
హైదరాబాద్‌లో 81 లక్షల చలాన్లు..!
HYD, CYB, RCK ట్రై కమిషనరేట్ల పరిధిలో 2024లో ట్రాఫిక్ చల్లాన్ల సంఖ్య 81,19,743గా నమోదయింది. ఇందులో వివిధ ఉల్లంఘనల్లో పెరుగుదల గుర్తించారు. మొబైల్ ఫోన్ డ్రైవింగ్ 34.54%, సిగ్నల్ జంపింగ్ 25.34%, మద్యం సేవించి డ్రైవింగ్ 18.53%, నో హెల్మెట్ డ్రైవింగ్ 17.88%, ట్రిపుల్ బైక్ రైడింగ్ 7.84% పెరిగాయని వార్షిక రిపోర్టులో వెళ్లడైంది.
News January 2, 2025
సికింద్రాబాద్: 2024లో 1,194 కిలోల గంజాయి పట్టివేత
2024లో సికింద్రాబాద్ రైల్వే స్టేషన్ పరిధిలో 1,194 కిలోల గంజా‌ను పట్టుకున్నారు. ప్రభుత్వ రైల్వే పోలీసు(GRP) అధికారులు రూ.2.98 కోట్ల విలువైన గంజాయిగా గుర్తించారు. 38 కేసులలో 53 వ్యాపారులు అరెస్టయ్యారని SP చందన తెలిపారు. జీఆర్పీ పోలీస్ స్టేషన్ గంజాయి రవాణాపై నిఘా పెట్టి తనిఖీలు చేస్తున్నట్లు తెలిపింది.
News January 1, 2025
HYD: 2024లో 1,656 మంది మృతి
HYD నగరం హైదరాబాద్, సైబరాబాద్, రాచకొండ ట్రై కమిషనరేట్ల పరిధిలో 2024 ఏడాదిలో 10,748 ప్రమాదాలు జరగగా..1,656 మంది ప్రాణాలు కోల్పోయారు. 9,092 మంది తీవ్ర గాయాల పాలయ్యారు. HYD, సైబరాబాద్ పరిధిలో పాదాచారులే 350 మంది మరణించడం గమనార్హం. HYD పరిధిలో 775 మంది పాదాచార్యులు ప్రమాదాల్లో గాయపడ్డట్లు వార్షిక రిపోర్టు వెల్లడించింది.