News October 8, 2024
దసరా: హైదరాబాద్‌ను విడిచి ఊరెళ్లిపోతున్నారు!
దసరా పండుగతో నగరం ఖాళీ అవుతోంది. HYD ఉప్పల్ రింగ్ రోడ్డు వద్ద ఆర్టీసీ బస్సుల కోసం ప్రయాణికులు క్యూ కట్టారు. సద్దుల బతుకమ్మ, దసరా పండుగకు పట్టణం నుంచి పల్లెబాట పడుతున్నారు. ఈ నేపథ్యంలో MGBS, JBS, ఉప్పల్‌లో ప్రయాణికుల రద్దీ పెరిగింది. ప్రత్యేక బస్సులు నడిపిస్తున్నప్పటికీ ప్రయాణికుల సంఖ్యకు సరిపోవడం లేదు. పల్లె వెలుగు, ఎక్స్‌ప్రెస్‌ బస్సుల్లో కిక్కిరిసి ప్రయాణించాల్సిన పరిస్థితి ఏర్పడింది.
Similar News
News October 8, 2024
ఎన్కౌంటర్లకు నిరసనగా వచ్చే నెల భారీ ధర్నా: ప్రొఫెసర్
చత్తీస్‌గడ్‌లో ఆపరేషన్ కగార్‌ను వెంటనే నిలిపివేయాలని ఆదివాసి హక్కుల పోరాట సంఘీభావ వేదిక డిమాండ్ చేసింది. మంగళవారం బషీర్‌బాగ్‌లో వేదిక ప్రతినిధులు ప్రొఫెసర్ హరగోపాల్ మాట్లాడారు. మధ్య భారత దేశంలో గత 10 నెలలుగా కొనసాగుతున్న ఆదివాసి హత్యాకాండ మరింత తీవ్రమైందన్నారు. బూటకపు ఎన్కౌంటర్లకు నిరసనగా నవంబర్ 3న ఇందిరా పార్క్ వద్ద భారీ ధర్నా నిర్వహిస్తున్నట్లు తెలిపారు.
News October 8, 2024
HYD: మాజీ ఉపరాష్ట్రపతిని కలిసిన ఎమ్మెల్యేలు
మాజీ ఉపరాష్ట్రపతి వెంకయ్య నాయుడుని జూబ్లీహిల్స్‌లోని ఆయన నివాసంలో మాజీమంత్రి, మేడ్చల్ ఎమ్మెల్యే మల్లారెడ్డి, మల్కాజిగిరి ఎమ్మెల్యే మర్రి రాజశేఖర్ రెడ్డిని కలిశారు. ఈ సందర్భంగా ఎమ్మెల్యే మర్రి రాజశేఖర్ రెడ్డి కుమార్తె శ్రేయారెడ్డి వివాహానికి రావాల్సిందిగా వెంకయ్య నాయుడుకి ఆహ్వాన పత్రికను అందజేశారు. తప్పకుండా హాజరవుతామని వెంకయ్య నాయుడు తెలిపారు.
News October 8, 2024
HYD: మెట్రో జోన్లో రూ.83 కోట్లతో విద్యుత్ పనులు
HYD మెట్రో జోన్ పరిధిలో రూ.83 కోట్లతో 939 DTRలు, ఫీడర్ల మార్పులు UG, AB కేబుల్ ఏర్పాటు చేయనున్నారు. మరోవైపు ట్రాన్స్‌ఫార్మర్ల పెంపు సైతం జరగనుంది. వచ్చే వేసవి కాలంలో కరెంటు డిమాండ్ దృష్టిలో ఉంచుకొని, TGSPDCL అధికారులు తగిన చర్యలు తీసుకుంటున్నట్లు తెలిపారు. డిసెంబర్ నాటికి పనులు పూర్తి చేయాలని కంకణం కట్టుకున్నారు.