News January 25, 2025
నంద్యాలలో రూ.8కోట్లతో అభివృద్ధి పనులు: మంత్రి ఫరూక్
తెలుగుదేశం పార్టీ గెలిచిన ఆరు నెలల్లోనే నంద్యాలలో రూ.8కోట్ల నిధులతో అభివృద్ధి పనులు ప్రారంభించామని మంత్రి ఎన్ఎండీ ఫరూక్ తెలిపారు. నంద్యాల మున్సిపల్ కార్యాలయాన్ని తొలిసారిగా సందర్శించిన ఆయన వివిధ శాఖల అధికారులతో సమీక్షించి పెండింగ్ పనులు, అభివృద్ధి కార్యక్రమాలపై ఆరా తీశారు. నంద్యాలను అన్ని విధాలా అభివృద్ధి చేసి తీరుతామని మంత్రి ఫరూక్ స్పష్టం చేశారు.
Similar News
News January 27, 2025
ట్రంప్ కొరడా: కాళ్ల బేరానికొచ్చిన కొలంబియా Prez
డొనాల్డ్ ట్రంప్ టారిఫ్స్ కొరడాకు కొలంబియా ప్రెసిడెంట్ గుస్తావో పెట్రో దిగొచ్చారు. ఆంక్షలు అమలు చేసిన కొన్ని గంటల్లోనే కాళ్లబేరానికి వచ్చారు. అమెరికాలో అక్రమంగా ఉంటున్న తమ దేశస్థులను తీసుకెళ్లేందుకు ప్రత్యేక విమానం పంపించారు. వారిని క్రిమినల్స్‌గా చూడొద్దని, గౌరవంగా పంపాలని కోరారు. అమెరికాతో నిరంతరం టచ్‌లో ఉంటామన్నారు. అంతకు ముందు <<15276291>>US<<>> విమానాల ల్యాండింగ్‌కు ఆయన అనుమతి నిరాకరించిన సంగతి తెలిసిందే.
News January 27, 2025
సిరిసిల్ల: ప్రత్యేక అధికారుల నియామకం
రాజన్న సిరిసిల్ల జిల్లాలోని సిరిసిల్ల, వేములవాడ మున్సిపాలిటీల ఇన్‌ఛార్జి ప్రత్యేక పాలనాధికారిగా జిల్లా కలెక్టర్ సందీప్ కుమార్‌ఘా నియమితులయ్యారు. మున్సిపల్ పాలకవర్గాల పదవీకాలం ఈ నెల 26వ తేదితో ముగియడంతో తెలంగాణ ప్రభుత్వం ఆదివారం రాత్రి మున్సిపాలిటీలకు ఇన్‌ఛార్జిలను నియమిస్తూ ఉత్తర్వులను జారీ చేసింది. కొత్త పాలకవర్గం కొలువుదీరే వరకు ప్రత్యేకాధికారి పాలన కొనసాగనుంది.
News January 27, 2025
వనపర్తి: ఉత్తీర్ణత, హాజరు శాతం పెంచేందుకు చర్యలు
వనపర్తి జిల్లాలో మొత్తం 12 ప్రభుత్వ జూనియర్ కళాశాలలు ఉన్నాయి. విద్యార్థుల ఉత్తీర్ణత, హాజరు శాతం పెంచేందుకు ఇంటర్ విద్య చర్యలు చేపట్టింది. ఈ నేపథ్యంలో జిల్లా స్థాయిలో అకాడమిక్ సెల్ ఏర్పాటు చేశారు. ముగ్గురుని సభ్యులుగా నియమించారు. ఈ బృందం అకాడమిక్ విషయాలను పరిశీలిస్తుందని జిల్లా ఇంటర్ అధికారులు తెలిపారు. ఇంటర్ విద్యార్థులకు ఫిబ్రవరి 3 నుంచి ప్రయోగ పరీక్షలు, మార్చి 5 నుంచి థియరీ పరీక్షలు జరగనున్నాయి.