News May 17, 2024
నిజామాబాద్: ఫోన్ కోసం రైలు నుంచి దూకేశాడు
ఫోన్ కోసం ఓ యువకుడు రైలు నుంచి దూకేశాడు. వివరాలిలా.. అబ్దుల్‌ రైలులో ప్రయాణిస్తున్నాడు. డిచ్‌పల్లి రైల్వే స్టేషన్‌ సమీపంలోకి రాగానే అతని ఫోన్ కిందపడింది. దాని తీసుకునేందుకు వెంటనే రైలు నుంచి దూకాడు. ఈ ప్రమాదంలో అతని ఎడమ కాలి పాదం నుజ్జునుజ్జయింది. స్థానికులు 108కు సమాచారం ఇచ్చి చికిత్స కోసం NZMకు తరలించారు. ఫోన్ తెచ్చి ఇచ్చేవరకు చికిత్సకు వెళ్లనని మారాం చేశాడు. ఫోన్ మాత్రం దొరకలేదు.
Similar News
News January 25, 2025
ఆర్మూర్ : ఫిజికల్ డైరెక్టర్ పోస్టుకు దరఖాస్తుల ఆహ్వానం
ఆర్మూర్ పట్టణంలోని తెలంగాణ సాంఘిక సంక్షేమ మహిళా గురుకుల డిగ్రీ కళాశాలలో ఫిజికల్ డైరెక్టర్ పోస్ట్ కోసం దరఖాస్తులను ఆహ్వానిస్తున్నట్లు ప్రిన్సిపల్ డాక్టర్ ఎస్ చంద్రిక ఒక ప్రకటనలో తెలిపారు. B.Ped, M.Ped చేసిన వారికి అనుభవాన్ని బట్టి ప్రాధాన్యత ఉంటుందన్నారు. ఆసక్తి కలిగిన మహిళ అభ్యర్థులు ఈ అవకాశాన్ని వినియోగించుకోవాలన్నారు. ఈ నెల 27న సోమవారం ఉదయం 10 గంటలకు ఇంటర్వ్యూ, డెమో ఉంటుందన్నారు.
News January 24, 2025
NZB: ఉరివేసుకొని మహిళ ఆత్మహత్య
అనారోగ్య సమస్యలతో ఓ మహిళ ఉరి వేసుకుని బలవన్మరణానికి పాల్పడినట్లు 3వ టౌన్ ఎస్ఐ హరిబాబు తెలిపారు. ఆదర్శనగర్‌కు చెందిన లక్ష్మీ 52 కొంతకాలంగా అనారోగ్య సమస్యలతో బాధపడుతుంది. ఆమె భర్తకు ఏడాది క్రితం హార్ట్ ఆపరేషన్ అయింది. దీంతో ఆర్థిక ఇబ్బందులు తలెత్తడంతో ఉరివేసుకొని ఆత్మహత్య చేసుకుంది. విషయం తెలుసుకున్న 3వ టౌన్ ఎస్ఐ హరిబాబు ఘటన స్థలానికి చేరుకొని దర్యాప్తు చేపట్టారు. మృతదేహాన్ని మార్చురీకి తరలించారు.
News January 24, 2025
NZB: లారీ ఢీకొని ద్విచక్ర వాహనదారుడు మృతి
నిజామాబాద్ ఆర్సపల్లి బైపాస్ రోడ్డులో లారీ ఢీకొని ఓ రైతు మృతి చెందినట్లు ఆరో టౌన్ ఎస్సై వెంకట్రావు గురువారం తెలిపారు. ఆర్సపల్లికి చెందిన తరికంటి యాదయ్య(78) అర్సపల్లి శివారులోని తన వ్యవసాయ భూమిలో పని ముగించుకుని బైక్‌పై ఇంటికి వెళ్తుండగా రైల్వే గేటు మూల మలుపు వద్ద లారీ ఢీకొట్టింది. ఈ ప్రమాదంలో యాదయ్య అక్కడికక్కడే మృతి చెందాడు. ఘటనపై పోలీసులు దర్యాప్తు చేపట్టారు.