News June 2, 2024
నిజామాబాద్‌లో కిడ్నాప్ కలకలం
నిజామాబాద్‌లో ఆటో వ్యాపారి కిడ్నాప్ కలకలం రేపింది. 2 నెలల ఆటోకిరాయి డబ్బులు విషయంలో కల్లూరి లక్ష్మణ్.. మఠం రమణయ్యను కిడ్నాప్ చేసినట్టు తెలుస్తోంది. గాంధీనగర్‌కు చెందిన కల్లూరి లక్ష్మణ్ చంద్రనగర్‌కు చెందిన మఠం రామయ్య వద్ద ఆటోను కిరాయికి తీసుకున్నాడు. ఆటో డబ్బులు ఇవ్వమన్నందుకు లక్ష్మణ్ దుశ్చర్యకు పాల్పడ్డట్టు సమాచారం. ఈ ఘటనపై టూ టౌన్ ఎస్ఐ రాము దర్యాప్తు చేపట్టారు.
Similar News
News November 6, 2024
లింగంపేట: నాగన్న బావిని పరిశీలించిన కలెక్టర్
లింగంపేట మండల కేంద్రంలో ఉన్న నాగన్న బావిని ఇవాళ జిల్లా కలెక్టర్ ఆశిష్ సంగ్వాన్ పరిశీలించారు. కలెక్టర్ మాట్లాడుతూ.. నాగన్న బావిని టూరిజం స్పాట్ గా అభివృద్ధి చేయాలని, కాటేజీలు ఏర్పాటుకు ప్రతిపాదించారు. బావిలో ఉన్న చెత్తను తొలగించాలని, సమీపంలో మొక్కలు నాటి సంరక్షించాలని వారు సూచించారు. అనంతరం బావి చూడడానికి వచ్చిన పాఠశాల చిన్నారులతో పురాతన బావి దాని చరిత్ర గురించి తెలుసుకోవాలని అన్నారు.
News November 5, 2024
NZB: మెడికల్ షాపులో చోరీకి పాల్పడ్డ దుండగులు
నిజామాబాద్ నగరంలోని ఖలీల్ వాడీ ప్రాంతంలో ఉన్న ఓ మెడికల్ షాప్‌లో దుండగులు చోరీకి పాల్పడ్డారు. సోమవారం అర్ధరాత్రి బైక్‌పై వచ్చిన ముగ్గురు మెడికల్ షాప్‌ తాళం పగులగొట్టి లోనికి చొరబడి రూ.5 లక్షల నగదు ఎత్తుకెళ్లారు. ఇది అక్కడి సీసీ కెమెరాల్లో రికార్డు అయ్యింది. వన్ టౌన్ పోలీసులు ఘటనా స్థలాన్ని పరిశీలించారు. ఈ మేరకు కేసు నమోదు చేసుకుని దర్యాప్తు చేస్తున్నారు.
News November 5, 2024
ఖతర్‌లో ముప్కాల్ వాసి గుండెపోటుతో మృతి
ముప్కాల్ మండల కేంద్రానికి చెందిన తాడూరి లింబాద్రి (58) గురువారం రోజు రాత్రి గుండెపోటుతో మరణించారు. మృతునికి భార్య, ముగ్గురు పిల్లలు ఉన్నారు. మృతుడు గత కొన్ని సంవత్సరాలుగా దోహాలో ఉపాధి నిమిత్తం జీవనం కొనసాగిస్తున్నారు. మృతదేహాన్ని స్వదేశానికి రప్పించేలా ప్రభుత్వం చొరవ చూపాలని కుటుంబ సభ్యులు కోరుతున్నారు.