News June 10, 2024
నిన్న ఒక్కరోజే ఏడుగురు ఆత్మహత్య
ఉమ్మడి అనంతపురం జిల్లాలో ఆదివారం ఒకేరోజు వివిధ కారణాలతో ఏడుగురు ఆత్మహత్యకు పాల్పడ్డారు. దీంతో ఆయా కుటుంబాలలో విషాదం నెలకొంది. జిల్లాలోని పుట్లూరు, బ్రహ్మసముద్రం, కళ్యాణదుర్గం, పెద్దపప్పూరు, అమడగూరు, సోమందేపల్లి మండలాలలో ఈ ఘటనలో చోటుచేసుకున్నాయి. వ్యవసాయ సాగులో నష్టం భరించలేక ఒకరు, కుటుంబ కలహాలతో మరొకరు, ప్రేమించిన యువతి దక్కలేదని ఇంకొకరు.. ఇలా పలువురు వివిధ కారణాలతో ఆత్మహత్య చేసుకున్నారు.
Similar News
News November 17, 2024
అనంత: బీజేపీ కార్యకర్తపై వేట కొడవలితో దాడి
బొమ్మనహాల్ మండలం చంద్రగిరికి చెందిన బీజేపీ కార్యకర్త కృష్ణమూర్తి శెట్టిపై శనివారం రాత్రి గుర్తుతెలియని దుండగులు వేట కొడవలితో దాడి చేసి నరికారు. దాడిలో కృష్ణమూర్తి శెట్టి తల, వీపు, చెయ్యికి తీవ్ర గాయాలయ్యాయి. కుటుంబ సభ్యులు వెంటనే బళ్లారి ఆసుపత్రికి తరలించారు. భూ తగాదా వల్లే దాడి జరిగి ఉండవచ్చునని పోలీసులు భావిస్తున్నారు. కేసు నమోదు చేసి దర్యాప్తు చేపట్టారు.
News November 17, 2024
అపార్ జనరేషన్‌పై ప్రత్యేక దృష్టి పెట్టాలి: కలెక్టర్
అపార్ జనరేషన్‌పై ప్రత్యేక దృష్టి పెట్టాలని అనంతపురం కలెక్టర్ డాక్టర్ వినోద్ కుమార్ ఆదేశించారు. శనివారం అనంతపురంలోని కలెక్టర్ క్యాంపు కార్యాలయం నుంచి అపార్ జనరేషన్ ప్రక్రియపై డిఇఓ, డివిఈవో, ఆయా కళాశాల ప్రిన్సిపల్, తదితరులతో వీడియో కాన్ఫరెన్స్ ద్వారా సమీక్ష సమావేశం నిర్వహించారు. ప్రతిరోజు రూ.10,000 నుంచి రూ.15,000 వరకు అపార్ జనరేషన్ జరిగిన చర్యలు తీసుకోవాలన్నారు.
News November 17, 2024
24 గంటల్లో 513 కేసులు పెట్టిన అనంతపురం పోలీసులు
అనంతపురం జిల్లాలో నేరాలు, రోడ్డు భద్రత తదితర అంశాలపై పోలీసులు దృష్టిసారించారు. ఇందులో భాగంగా హెల్మెట్/ సీటు బెల్టు ధరించని వారు, ట్రిపుల్ డ్రైవింగ్, ఓవర్ లోడింగ్, డ్రంకన్ డ్రైవింగ్‌పై తనిఖీలు చేపట్టారు. ఈ నిబంధనలు ఉల్లంఘించినందుకు 513 కేసులు నమోదు చేశారు. వీరికి రూ.1.10 లక్షల ఫైన్ వేశామని ఎస్పీ జగదీశ్ తెలిపారు. అలాగే రాత్రి జిల్లా వ్యాప్తంగా 154 ఏటీఎంలను తనిఖీ చేశారు.