News May 30, 2024

నిప్పుల కొలిమిలా నెల్లూరు

భానుడు ప్రతాపంతో నెల్లూరు జిల్లా నిప్పుల కొలిమిని తలపిస్తోంది. ఎండ తీవ్రతతో ప్రజలు ఇంటి నుంచి బయటకు రావాలంటే భయపడుతున్నారు. రోహిణి కార్తె ప్రారంభం కావడంతో భానుడు తన ప్రతాపం చూపుతున్నాడు. మధ్యాహ్నం సమయానికే రోడ్లన్నీ ఖాళీగా దర్శనమిస్తున్నాయి. వృద్ధులు చిన్నారులు ఇంట్లోనే ఉండి తగిన జాగ్రత్తలు తీసుకోవాలని వైద్యులు సూచిస్తున్నారు. ఇదిలా ఉండగా నెల్లూరులో ఈరోజు 43 డిగ్రీల ఉష్ణోగ్రత నమోదైంది.