News November 20, 2024
నిర్మల్: ప్రజావిజయోత్సవాలకు విస్తృత ఏర్పాట్లు చేయాలి: కలెక్టర్
రాష్ట్రంలో ప్రజాపాలన ఏడాది పూర్తైన సందర్భంగా ప్రభుత్వం నిర్వహిస్తున్న ప్రజాపాలన – ప్రజావిజయోత్సవాలు కార్యక్రమానికి విస్తృత ఏర్పాట్లు చేయాలని నిర్మల్ కలెక్టర్ అభిలాష అభినవ్ అధికారులను ఆదేశించారు. కలెక్టరేట్ సమావేశం మందిరంలో ప్రజాపాలన విజయోత్సవాల కార్యక్రమ నిర్వహణపై సంబంధిత శాఖల అధికారులతో ఆమె సమావేశం నిర్వహించారు. కళాకారుల బృందం ఆధ్వర్యంలో ఈనెల 21న సాంస్కృతిక కార్యక్రమాలను నిర్వహిస్తున్నామన్నారు.
Similar News
News December 26, 2024
నిర్మల్: చెత్త కవర్‌లో శిశువు మృతదేహం లభ్యం
మున్సిపల్ చెత్త వాహనంలో నవజాత శిశువు లభ్యమైన ఘటన గురువారం నిర్మల్‌లో చోటుచేసుకుంది. నిర్మల్ మున్సిపాలిటీకి చెందిన ఓ వాహనం చెత్త పడేయడానికి డంపింగ్ యార్డ్‌కు వెళుతుండగా మార్గమధ్యంలో ఓ కవర్ కింద పడింది. సిబ్బంది దాన్ని పరిశీలించగా అందులో నవజాత శిశువు మృతదేహం లభ్యమైనట్లు తెలిపారు. వెంటనే పోలీసులకు సమాచారం ఇచ్చామన్నారు.
News December 26, 2024
ADB: బాలికపై అఘాయిత్యం చేసిన నిందితుడి రిమాండ్
ఆదిలాబాద్ జిల్లా గుడిహత్నూర్ మండల కేంద్రంలో ఈ నెల 21న ఓ మైనర్ బాలికపై అఘాయిత్యం చేసిన నిందితుడు చెట్ల పోశెట్టి అలియాస్ అనిల్‌ను రిమాండ్‌కు తరలించినట్లు ఉట్నూర్ డిఎస్పీ సీహెచ్ నాగేందర్ తెలిపారు. వైద్య పరీక్షలు చేసిన అనంతరం నిందితుడిపై ఫోక్సో, ఎస్సీ ఎస్టీ అట్రాసిటీ కేసులు నమోదు చేసినట్లు తెలిపారు. ఇచ్చోడ సీఐ భీమేష్ తదితరులున్నారు.
News December 26, 2024
బెల్లంపల్లి: డ్రైవర్‌ను కొట్టి కారు ఎత్తుకుపోయిన దుండగులు: సీఐ
డ్రైవర్‌ను బండరాళ్లతో కొట్టి కారును దుండగులు ఎత్తుకుపోయిన ఘటన బెల్లంపల్లిలో చోటుచేసుకుంది. CI అబ్జాలుద్దీన్ వివరాల ప్రకారం..ముగ్గురు వ్యక్తులు కాగజ్ నగర్ నుంచి మంచిర్యాలకు వెళ్లాలని కారు కిరాయి మాట్లాడుకొని బయలుదేరారు. బెల్లంపల్లి వద్ద కారు ఆపి డ్రైవర్‌ను కొట్టి అతను వద్దనున్న రూ.3,500/-నగదు, సెల్ ఫోన్ దొంగిలించారని డ్రైవర్ పురుషోత్తం కొడుకు ప్రవీణ్ ఫిర్యాదు మేరకు కేసు నమోదయిందని సీఐ వివరించారు.