News March 21, 2025
నెల్లూరు: 84ఏళ్ల వృద్ధురాలిపై అత్యాచారయత్నం.. నిందితుడు అరెస్ట్
వరికుంటపాడు మండల శివారు ప్రాంతంలో ఈనెల 16వ తేదీన రాత్రి సమయంలో నిద్రిస్తున్న 84 ఏళ్ల వృద్ధురాలిపై గొల్లపల్లి గురవయ్య అనే యువకుడు అత్యాచారయత్నానికి ప్రయత్నించి పరారైన విషయం తెలిసిందే. ఈ నేపథ్యంలో ఆ వృద్ధురాలు పోలీస్ స్టేషన్లో ఫిర్యాదు చేశారు. పరారీలో ఉన్న నిందితుడు ఆచూకీ కోసం వరికుంటపాడు ఎస్ఐ రఘునాథ్ సాంకేతిక పరిజ్ఞానం ఉపయోగించి ఎట్టకేలకు అదుపులోకి తీసుకొని ఉదయగిరి కోర్టులో హాజరు పరిచారు.
Similar News
News March 30, 2025
రేపు పోలీస్ ప్రజా ఫిర్యాదు పరిష్కార వేదిక రద్దు
ప్రతి సోమవారం జరిగే పోలీసు ప్రజా ఫిర్యాదు పరిష్కార వేదిక కార్యక్రమం రద్దు చేసినట్లు నెల్లూరు జిల్లా పోలీస్ కార్యాలయం ఒక ప్రకటనలో తెలిపారు. సోమవారం ముస్లిం సోదరులకు పవిత్ర రంజాన్ పర్వదినం సందర్భంగా ఈ నిర్ణయం తీసుకున్నట్లు తెలిపారు. ఈ విషయాన్ని జిల్లా ప్రజలు గమనించాలని కోరారు. మరల వచ్చే సోమవారం యధావిధిగా ఈ ప్రజా ఫిర్యాదు పరిష్కార కార్యక్రమం కొనసాగుతుందన్నారు.
News March 30, 2025
64 వేల మెట్రిక్ టన్నుల ధాన్యం కొనుగోలు: జేసీ కార్తీక్
నెల్లూరు జిల్లాలో ఏర్పాటు చేసిన ధాన్యం కొనుగోలు కేంద్రాల ద్వారా ఇప్పటివరకు 64 వేల మెట్రిక్ టన్నుల ధాన్యాన్ని కొనుగోలు చేసినట్లు జాయింట్ కలెక్టర్ కె.కార్తీక్ తెలిపారు. శనివారం 6,893 మెట్రిక్ టన్నుల ధాన్యం కొనుగోలు చేసినట్లు జేసీ చెప్పారు. రైతులకు ప్రభుత్వం ప్రకటించిన మద్దతు ధర ప్రకారం ధాన్యాన్ని కొనుగోలు చేస్తూ 24 గంటల నుంచి 48 గంటల్లోగా రైతుల ఖాతాలకు డబ్బులు జమ చేస్తున్నట్లు ఆయన తెలిపారు
News March 29, 2025
నెల్లూరు కలెక్టరేట్‌లో ఉగాది వేడుకలు
శ్రీ విశ్వావసు నామ సంవత్సర ఉగాది వేడుకలను ఘనంగా నిర్వహించేందుకు అన్ని ఏర్పాట్లు పూర్తి చేసినట్టు జిల్లా కలెక్టర్ ఆనంద్ తెలిపారు. ఈ నెల 30వ తేది ఆదివారం ఉదయం 9:00 గంటలకు కలెక్టరేట్లోని తిక్కన ప్రాంగణంలో శ్రీవిశ్వావసు నామ సంవత్సర ఉగాది వేడుకలు నిర్వహిస్తున్నామన్నారు. ఈ వేడుకల్లో అందరూ పాల్గొనాలన్నారు. అధికారులందరూ తెలుగు సాంప్రదాయ దుస్తులతో హాజరై ఉగాది వేడుకలను విజయవంతం చేయాలని కోరారు.