News April 16, 2025

పానగల్: విద్యార్థుల సంఖ్య పెరిగేలా కృషి చేయాలి: డీఈవో 

వచ్చే విద్యా సంవత్సరంలో విద్యార్థుల సంఖ్యను పెంచే విధంగా అమ్మ ఆదర్శ పాఠశాలల కమిటీ ఛైర్మన్లు కృషి చేయాలని వనపర్తి డీఈవో అబ్దుల్ ఘని స్పష్టం చేశారు. బుధవారం పానగల్ మండల కేంద్రంలో నిర్వహించిన అమ్మ ఆదర్శ పాఠశాలల కమిటీ ఛైర్మన్ల సమావేశానికి ముఖ్య అతిథిగా ఆయన హాజరై మాట్లాడారు. అమ్మ ఆదర్శ పాఠశాల కమిటీ ఛైర్మన్లు అందరూ కృషి చేసి గత సంవత్సరం కంటే వచ్చే ఏడాది విద్యార్థుల నమోదు పెంచాలన్నారు.