News March 22, 2024
పార్వతీపురం: తండ్రి మృతి.. బరువెక్కిన గుండెతో పరీక్ష
గుండెపోటుకు గురై మృతి చెందిన తండ్రి మృతదేహం ఇంట్లో ఉండగానే కన్నీళ్లు దిగమింగుకుంటూ బరువెక్కిన గుండెతో ఒక విద్యార్థి పదవ తరగతి పరీక్షకు హాజరైన విషాద సంఘటన శుక్రవారం పార్వతీపురం మండలంలో జరిగింది. నర్సిపురం గ్రామానికి చెందిన వినయ్ అనే విద్యార్థి తండ్రి ఎన్. సీతారాం(45) శుక్రవారం ఉదయం గుండెపోటుతో ఇంటి వద్దే మృతి చెందాడు. కుమారుడు వినయ్ పదవ తరగతి పరీక్ష రాసిన తర్వాత అంత్యక్రియలకు హాజరయ్యాడు.
Similar News
News December 29, 2024
‘భోగాపురం ఎయిర్‌పోర్ట్ ద్వారా ఎగుమతులపై ఇప్పటి నుంచే దృష్టి పెట్టాలి’
భోగాపురం అంత‌ర్జాతీయ విమానాశ్ర‌య నిర్మాణాన్ని నిర్ణీత గ‌డువులోగా పూర్తిచేయాల‌ని 20 సూత్రాల కార్య‌క్ర‌మం ఛైర్మన్ లంకా దిన‌క‌ర్‌ సూచించారు. కలెక్టరేట్‌లో జరిగిన సమీక్షలో ఎయిర్ ఫోర్ట్ అంశాన్ని ప్రస్థావించారు. అవ‌స‌రాల‌కు తగ్గట్టుగా స్థానిక యువ‌త‌కు నైపుణ్య శిక్ష‌ణ ఇచ్చి ఉపాధి క‌ల్పించేందుకు సిద్ధం చేయాల‌న్నారు.విమానాశ్ర‌యం ద్వారా ఎగుమతుల‌కు ఉన్న అవ‌కాశాల‌పై ఇప్పటినుంచే దృష్టిపెట్టాల‌న్నారు.
News December 28, 2024
VZM: ‘వైద్యాధికారులు బాధ్యతగా పని చేయాలి’
వైద్యాధికారులు గ్రామాల్లో ఆరోగ్య పరిస్థితుల్ని తెలుసుకొని వాటికి తగ్గట్టుగా బాధ్యతగా పని చేయాలని కలెక్టర్ డా.బి.ఆర్.అంబేడ్కర్ తెలిపారు. శనివారం కలెక్టరేట్ ఆడిటోరియంలో వైద్యాధికారులతో సమీక్షించారు. గత మూడు నెలలుగా డయేరియా అంశం జిల్లాను పట్టి పీడిస్తోందని, ప్రజల సందేహాలను నివృత్తి చేసేలా వాస్తవాలను వెల్లడించి నమ్మకం కలిగించాలని తెలిపారు.
News December 28, 2024
పార్వతీపురం: నూతన సంవత్సర ఈవెంట్స్‌కు పర్మిషన్ తప్పనిసరి
నూతన సంవత్సర వేడుకల ఈవెంట్స్‌కు పర్మిషన్ తప్పనిసరి అని ఎక్సైజ్ డిప్యూటీ కమిషనర్ బాబ్జీరావు తెలిపారు. నూతన సంవత్సరం సంక్రాంతి పండుగలో లిక్కర్‌తో పార్టీలు జరుపుకునే వారు ఎక్సైజ్ సీఐ పర్మిషన్ తప్పనిసరిగా తీసుకోవాలని అని ఆయన తెలిపారు. సీఐ సంప్రదించాలన్నారు. మరిన్ని వివరాలకు పార్వతీపురం జిల్లా ఎక్సైజ్ అధికారి మొబైల్ నంబర్ 9490642242 ను సంప్రదించాలన్నారు.