News April 1, 2025
పాస్టర్ మృతిపై రెండు రోజుల్లో నివేదిక: హోం మంత్రి
పాస్టర్ ప్రవీణ్ ప్రగడాల అనుమానాస్పద మృతిపై పోలీసులు లోతుగా విచారణ నిర్వహిస్తున్నట్లు హోంమంత్రి వంగలపూడి అనిత అన్నారు. మంగళవారం నక్కపల్లి క్యాంపు కార్యాలయంలో హోం మంత్రిని రాష్ట్ర పాస్టర్స్ యూనియన్ ప్రతినిధులు కలిసి ప్రవీణ్ మృతిపై ఫిర్యాదు చేశారు. ఈ సందర్భంగా మంత్రి మాట్లాడుతూ.. పోలీసులు సీసీ ఫుటేజీలను పరిశీలిస్తున్నట్లు పేర్కొన్నారు. రెండు రోజుల్లో పూర్తి నివేదిక వస్తుందన్నారు.
Similar News
News April 3, 2025
బ్యాంకు ప్రతినిధులతో విశాఖ కలెక్టర్ సమావేశం
స్వ‌యం ఉపాధి పొందాల‌నుకునే అన్ని వ‌ర్గాల ప్రజలకు బ్యాంకులు పూర్తి స‌హ‌కారం అందించాల‌ని సంబంధిత అధికారుల‌ను జిల్లా కలెక్టర్ హరేంధిర ప్ర‌సాద్ ఆదేశించారు. ప‌లువురు బ్యాంకు ప్రతినిధులతో గురువారం క‌లెక్ట‌రేట్ మీటింగ్ హాలులో సమావేశం అయ్యారు. రుణాల మంజూరులో సుల‌భ‌త‌ర విధానాలు పాటిస్తూ ప్ర‌క్రియ‌ను వేగ‌వంతం చేయాల‌ని సూచించారు. స్వ‌యం ఉపాధి పొందాల‌నుకునే వారికి త‌గిన విధంగా అండ‌గా నిల‌వాల‌న్నారు.
News April 3, 2025
వికారాబాద్: ఉపాధ్యాయులకు ఒకరోజు శిక్షణ
వికారాబాద్ జిల్లా కేంద్రంలో ప్రభుత్వ ఉపాధ్యాయులకు ఒకరోజు శిక్షణ కార్యక్రమం నిర్వహించారు. పదోన్నతులు పోందిన వికారాబాద్ జిల్లాకు చెందిన తెలుగు, హింది, LFL HMలకు ఒకరోజు శిక్షణ కార్యక్రమాన్ని విద్యాశాఖ ఏర్పాటు చేసింది. తెలుగు వారికి ఆలంపల్లి పాఠశాలలో,హింది వారికి బాలుర ఉన్నత పాఠశాలలో, LFL HMకు బాలికల ఉన్నత పాఠశాలలో ఏర్పాటు చేసి శిక్షణ ఇవ్వడం జరుగుతుందని DEO రేణుకదేవి తెలిపారు.
News April 3, 2025
బాపట్ల: ఊరికి వెళ్తే సమాచారం ఇవ్వండి- ఎస్పీ
తాత్కాలికంగా ఇంటికి తాళాలు వేసి విహార యాత్రలు, తీర్ధయాత్రలకు వెళ్లేవారు స్థానిక పోలీస్ స్టేషన్‌లలో సమాచారం ఇచ్చి వెళ్లాలని బాపట్ల ఎస్పీ తుషార్ డూడి గురువారం ప్రజలకు సూచించారు. వేసవి సెలవులను ఆసరాగా చేసుకొని తాళం వేసిన ఇళ్లలో జరిగే దొంగతనాలను అరికట్టేందుకు ప్రజలు పోలీస్ శాఖకు సహకరించాలని ఆయన కోరారు. సమాచారం ఇవ్వడం వల్ల ఆ ఇంటిపై నిరంతర పోలీస్ నిఘా ఉంచడానికి అవకాశం ఉంటుందన్నారు.