News June 29, 2024

పింఛన్‌లకు ఏర్పాట్లు పూర్తి : కలెక్టర్ మనజీర్ జిలాని

ఎన్టీఆర్ భరోసా పింఛన్ పథకం కింద శ్రీకాకుళం జిల్లాలోని అన్ని విభాగాలకు సంబంధించి 3,19,702 మంది లబ్ధిదారులకు రూ.212.07 కోట్ల మేర నిధులు మంజూరయినట్లు కలెక్టర్ డాక్టర్ మనజిర్ జిలాని సమూన్ తెలిపారు. ఈ నెల 29న బ్యాంక్‌ల నుంచి నగదును విత్‌డ్రా చేసేలా సచివాలయ ఉద్యోగులకు ఆదేశాలు ఇచ్చామన్నారు. జులై 1వ తేదీనే ఇంటి వద్ద సచివాలయ ఉద్యోగులతో వంద శాతం పింఛన్లు పంపిణీ చేసేలా చర్యలు చేపట్టామని కలెక్టర్ తెలిపారు.