News January 29, 2025

పిట్లం: అడవికి నిప్పు.. పట్టించుకోని అధికారులు

పిట్లం మండలం కిష్టాపూర్, చిన్న కొడప్గల్ శివారులోని అటవీ ప్రాంతంలో గుర్తు తెలియని వ్యక్తులు మంగళవారం మధ్యాహ్నం నిప్పుపెట్టారు. ఈ మంటలు అడవి మొత్తం వ్యాపిస్తున్నాయి. ఆ పక్కనే పంట పొలాలు ఉండటంతో రైతులు మంటలను ఆర్పే ప్రయత్నం చేస్తున్నారు. రాత్రి అయినప్పటికీ మంటలు అదుపు అవ్వడం లేదు. ఈ విషయమై అటవీ శాఖ అధికారులకు ఫిర్యాదు చేసిన పట్టించుకోవడం లేదని రైతులు ఆవేదన వ్యక్తం చేశారు.