News October 30, 2024

పెరిగిన ధరలు.. సామాన్యుడి జీవితాల్లో చీకట్లు

image

దీపావళి పండగ ప్రతి ఇంట్లో వెలుగులు నింపుతుంది.. కానీ పెరిగిన నిత్యావసర ధరలు నల్గొండ జిల్లాలో సామాన్యుడి జీవితాల్లో చీకటి నింపుతున్నాయి. పండ్లు, పూలు, వంటగ్యాస్‌, నిత్యావసర ధరలు భగ్గుమంటుండటంతో మధ్యతరగతి కుటుంబాలు పండగంటేనే బెంబేలెత్తుతున్నాయి. దీపావళికి కాల్చే టపాసుల ధరలైతే రాకెట్‌లా ఆకాశానికి దూసుకెళ్లాయి. గతేడాది కంటే ఈఏడాది ప్రతి వస్తువు రేటు పెరగడంతో పండగ అంటేనే దండగ అనే పరిస్థితి నెలకొంది.

Similar News

News November 25, 2024

NLG: డిగ్రీ పరీక్ష వాయిదా

image

రేపు (మంగళవారం) జరగవలసిన డిగ్రీ పరీక్షను వాయిదా వేసినట్లు మహాత్మాగాంధీ యూనివర్సిటీ సీఓఈ డా.ఉపేందర్ రెడ్డి ఒక ప్రకటనలో తెలిపారు. ఈ పరీక్షను డిసెంబర్ 12న నిర్వహించనున్నట్లు తెలిపారు. పూర్తి వివరాలకు యూనివర్సిటీ వెబ్ సైట్ సందర్శించాలని కోరారు.

News November 25, 2024

పడిపోతున్న ఉష్ణోగ్రతలు.. వణికిస్తున్న చలి!

image

నల్గొండ జిల్లాలో చలి పంజా విసురుతుంది. కనిష్ఠ ఉష్ణోగ్రతలు తగ్గిపోతుండటంతో ప్రజలు చలిమంటలు కాచుకోక తప్పడం లేదు. గత రెండు మూడు రోజులుగా జిల్లాలో 19 డిగ్రీలకు దిగువన ఉష్ణోగ్రతలు నమోదవుతున్నాయి.  అటు పలు ప్రాంతాల్లో పొగ మంచు కమ్ముకోవడంతో వాహనదారులు తీవ్ర ఇబ్బంది పడ్డారు.  చలి తీవ్రత కారణంగా వృద్ధులు, పిల్లలు తగు జాగ్రత్తలు పాటించాలని వైద్యాధికారులు సూచిస్తున్నారు.

News November 25, 2024

NLG: ముగింపు దశకు ధాన్యం సేకరణ

image

ఉమ్మడి జిల్లాలో ధాన్యం సేకరణ ముగింపు దశకు చేరుకుంది. ఈఏడాది నల్గొండ జిల్లాలో 370, సూర్యాపేట జిల్లాలో 310, యాదాద్రి భువనగిరి జిల్లాలో 372 కేంద్రాలను ఏర్పాటు చేసి అధికారులు ధాన్యాన్ని సేకరిస్తున్న విషయం తెలిసిందే. ఉమ్మడి జిల్లాలో అక్టోబర్, నవంబర్ నెలల్లో అంచనాలకు మించి ధాన్యాన్ని రైతులు మార్కెట్లకు తీసుకువచ్చారు. గత ఏడాది ఉమ్మడి జిల్లాలో 4,24,135 మెట్రిక్ టన్నుల ధాన్యాన్ని కొనుగోలు చేశారు.