News December 30, 2024
పేర్ని జయసుధకు మరోసారి నోటీసులు
పేర్ని నానికి చెందిన సివిల్ సప్లయిస్ బఫర్ గోడౌన్‌లో మాయమైన రేషన్ బియ్యాన్ని లెక్కతేల్చిన అధికారులు అదనంగా షార్టేజీని గుర్తించారు. ఆ బియ్యానికి ఫైన్ చెల్లించాలంటూ జాయింట్ కలెక్టర్ గోడౌన్ యజమానురాలు జయసుధకు సోమవారం నోటీసులు జారీ చేశారు. 378 టన్నుల షార్టేజీని గుర్తించి రూ.3.37 కోట్లు ఫైన్ విధించారు. ముందుగా చెల్లించిన రూ.1.70 కోట్లు మినహాయించి రూ.1.68కోట్లు చెల్లించాలని నోటీసుల్లో పేర్కొన్నారు.
Similar News
News January 4, 2025
గుడివాడ: CRPF జవాన్ మృతి..కన్నీటి ఎదురుచూపులు
అరుణాచలప్రదేశ్‌లో సీఆర్పిఎఫ్ ఏఎస్ఐగా విధులు నిర్వహిస్తూ గుడివాడకు చెందిన కర్ర రామకృష్ణ శుక్రవారం గుండెపోటుతో మృతిచెందిన విషయం తెలిసిందే. భౌతిక కాయం రావడానికి మరొక రోజు ఆలస్యం అవుతుందని కుటుంబ సభ్యులు తెలిపారు. శనివారం ఉదయం 10 గంటలకు రావలసిన భౌతికకాయం వాతావరణం అనుకూలించక ఫ్లైట్ రద్దు అవ్వడంతో ఆలస్యమైందన్నారు. 5వ తేదీ బంటుమిల్లిరోడ్డులోని ఆయన నివాసం వద్దకు తీసుకురానున్నట్లు తెలిపారు.
News January 4, 2025
విజయవాడ : B.tech విద్యార్థి మృతి
విజయవాడలోని ఓ కాలేజీలో బీటెక్ ఫైనల్ ఇయర్ విద్యార్థి కళ్యాణ్ ఆసుపత్రిలో చికిత్స పొందుతూ శుక్రవారం మృతి చెందాడు. కాగా గత వారం రోజుల క్రితం విద్యార్థిని HOD మందలించడంతో విషం తాగి ఆత్మహత్యాయత్నానికి పాల్పడ్డాడు. అప్పటి నుంచి చికిత్స పొందుతూ .. మృతి చెందగా యాజమాన్యం కాలేజీకి సెలవు ప్రకటించింది. కారణమైన హెచ్.ఓ.డి. ని సస్పెండ్ చేసినట్లు సమాచారం. మరింత సమాచారం తెలియాల్సి ఉంది.
News January 4, 2025
VJA: గుర్తు తెలియని వాహనం ఢీకొని వ్యక్తి మృతి
గుర్తు తెలియని వాహనం ఢీకొని ఓ వ్యక్తి మృతి చెందినట్లు భవానీపురం పోలీసులు తెలిపారు. శుక్రవారం గొల్లపూడి సచివాలయం సెంటర్లో జరిగిన ప్రమాదంలో అతను మృతి చెందినట్లు పోలీసులు వెల్లడించారు. అయితే అతను ఎవరనేది తెలియలేదని.. గుర్తిస్తే భవానిపురం పోలీస్ స్టేషన్లో సంప్రదించాలని సూచించారు.