News November 6, 2024
ప్రమాదాల నివారణకు జాగ్రత్త చర్యలు తీసుకోవాలి
పరిశ్రమలలో ప్రమాదాల నివారణకు యాజమాన్యం ముందు జాగ్రత్త చర్యలు తీసుకోవాలని జిల్లా కలెక్టర్ ఓ ఆనంద్ తెలిపారు. మంగళవారం కలెక్టరేట్లోని ఎస్ ఆర్ శంకరన్ హాల్లో పరిశ్రమల్లో ప్రమాదాల నివారణకు ముందు జాగ్రత్త చర్యలపై జిల్లా స్థాయి కమిటీ సమావేశాన్ని నిర్వహించారు. ఆయన మాట్లాడుతూ.. పరిశ్రమలలో ప్రమాదం జరిగితే సంబంధిత తహశీల్దార్, ఆర్డీవోకు సమాచారం ఇవ్వాల్సిన బాధ్యత యాజమాన్యంపై ఉందన్నారు.
Similar News
News November 6, 2024
నెల్లూరులో మైనర్ బాలికపై ఆటో డ్రైవర్ అత్యాచారం
నెల్లూరు వెంకటేశ్వరపురంలో ఓ ఆటో డ్రైవర్ మైనర్ బాలికపై అత్యాచారానికి పాల్పడిన ఘటన ఆలస్యంగా వెలుగులోకి వచ్చింది. విషయం తెలుసుకున్న బాలిక తల్లి నవాబ్ పేట పోలీస్ స్టేషన్‌లో ఫిర్యాదు చేశారు. పోలీసులు ఆటో డ్రైవర్‌ను అదుపులోకి తీసుకొని పొక్సో కేసు నమోదు చేసి విచారణ చేపట్టారు. వైద్య పరీక్షల నిమిత్తం ఆ బాలికను ఆసుపత్రికి తరలించారు.
News November 5, 2024
కాకాణితో సమావేశమైన ఎమ్మెల్సీ చంద్రశేఖర్
నెల్లూరు నగరంలోని వైసీపీ జిల్లా అధ్యక్షుడు, మాజీ మంత్రి కాకాణి గోవర్దన్ రెడ్డి నివాసంలో గురువారం ఎమ్మెల్సీ పర్వత రెడ్డి చంద్రశేఖర్ రెడ్డి సమావేశమయ్యారు. వారు పలు అంశాలపై చర్చించారు. కాకాణి గోవర్దన్ రెడ్డిని హౌస్ అరెస్టు చేసిన విషయం తెలిసిందే. ఈ సమావేశంలో జిల్లాలోనే పలువురు నాయకులు పాల్గొన్నారు.
News November 5, 2024
హైకోర్టులో కాకాణి పిటిషన్
సర్వేపల్లి ఎమ్మెల్యే సోమిరెడ్డి చంద్ర మోహన్ రెడ్డిపై మాజీ మంత్రి కాకాణి గోవర్ధన్ రెడ్డి అసత్య ఆరోపణలు చేస్తున్నారంటూ ఇటీవల టీడీపీ నేతలు ఆయనపై పోలీసులకు ఫిర్యాదు చేసిన విషయం తెలిసిందే. దీంతో వెంకటాచలం, ముత్తుకూరు పోలీస్ స్టేషన్లలో కేసు నమోదయ్యాయి. వీటిని కొట్టేయాలని కోరుతూ ఆయన హైకోర్టులో పిటిషన్ వేశారు. వీటిపై ఇవాళ జస్టిస్ వీఆర్‌కే కృపాసాగర్ విచారణ చేపట్టనున్నారు.